374 Acta Apostolicae Sedis - Commentarium Officiale

vae Dei intercessioni tributam infantulae cuiusdam, quae, ad primam ex

quattuor partibus decimae quartae horae diei 6 mensis Septembris anno

1981 in Valetudinario « Valduce » Comensi nuperrime nata, signa vitae admo-

dum repugnantia ob motus vacationem respirationisque defectum extemplo

exhibuerat. Diagnosi, igitur, pergravis asphyxiae seu spiritus suffocationis

recentis natae dicta, frictio externa cordis et inoculatio adrenalinae in pec-

tore parvulae protinus prompteque suppeditatae sunt aptaeque fistulae per

orem deductae ac trachiam eidem suggestae. Cum autem omnia valetudinis

redintegrationis iam nimis diu afuissent signa, tribus fere ab exorta infan-

tula elapsis horis, medicus princeps e coetu obstetriciorum vita eam cen-

suit functam et testificationem mortis, nulla licet obitus transcripta hora,

iamiam exarare coepit.

Talibus in adiunctis, Soror quaedam infirmorum ministra, quae iam

Matrem Fundatricem pro vita infantulae inierat invocare, maiori adhuc

fidei afflatu in hanc orationem confugit et, pro praeviso parvulae transitu

ad cubiculum mortuarium, eam in loculamentum valetudinarii transtulit

puerorum infantiumque curis constitutum et iuxta pusillam imagunculam

quamdam cum effigie Matris Ioannulae Franchi intra machinae incubatri-

cis saepta collocavit. Cum infirmula omni pia adhuc stiparetur sollicitudi-

ne, invocationibus pro salute redintegranda effundendis duae aliae quae

aderant Sorores se sociarunt et una quaedam infirmorum ministra quae

operam suam in eodem valetudinarii loculamento praestabat. Ad dimidiam

vicesimam eiusdem diei horam, quinque iam praeteritis horis ab infante

nata, parvula prima clara vitae ostendere coepit signa, celeriorem scilicet

cordis pulsum, evidentiam actuum quorundam respirationis et caerulei cutis

coloris profectum. Post horam infirmula omnibus cannulis ad perflationem

auxiliandam expedita est, sueto omni restaurato corporis vigore, dum ma-

ter infantis et Sorores Matrem Ioannulam rogabant, ut, eius intercessione,

ab omnibus discriminibus illius vexati casus quoad nervorum systematis

apparatum parvula parceretur. Quae vero nuperrime nata die 27 mensis

Septembris anno 1981 salva et valida a Valetudinario dimissa est.

Continuatio temporis clarissime patuit, sicut et nexus inter invocationem

Venerabilis Servae Dei et huius puellae sanationem, quae exinde optima

valetudine normalique corporis animique profectu gavisa est.

De hac mira habita sanatione apud Curiam Episcopalem Comensem a

die 27 mensis Septembris anno 1996 ad diem 23 mensis Februarii anno