Congregatio de Causis Sanctorum 889

concurrit, signum famae eius sanctitatis iam tum in populo diffusae et adhuc

increscentis.

Hanc ob sanctitatis famam, a die 8 mensis Martii anno 1981 ad diem 30

mensis Augusti anno 1983 apud Curiam Alexandrinam Statiellorum Proces-

sus Cognitionalis et a die 20 mensis Ianuarii anno 1983 usque ad diem 20

mensis Maii anno 1983 apud Curiam Pisanam Processus Rogatorialis cele-

brati sunt, quorum auctoritas et vis iuridica a Congregatione de Causis Sanc-

torum Decreto diei 27 mensis Septembris anno 1985 probatae sunt. Positione

confecta, iuxta suetum morem, die 23 mensis Novembris anno 2007, in Con-

gressu Peculiari Consultorum Theologorum prospero cum exitu disceptatum

est an Serva Dei more heroum virtutes christianas exercuisset. Patres Cardi-

nales et Episcopi in Sessione Ordinaria diei 13 mensis Ianuarii anno 2009,

audita relatione Excellentissimi ac Reverendissimi Domini Hieronymi Grillo,

Episcopi emeriti Centumcellarum-Tarquiniensis, Causae Ponentis, professi

sunt Servam Dei virtutes theologales, cardinales iisque adnexas in modum

heroum coluisse.

Facta demum de hisce omnibus rebus Summo Pontifici Benedicto XVI

per subscriptum Archiepiscopum Praefectum accurata relatione, Sanctitas

Sua vota Congregationis de Causis Sanctorum excipiens rataque habens,

hodierno die declaravit: Constare de virtutibus theologalibus Fide, Spe et Cari-

tate tum in Deum tum in proximum, necnon de cardinalibus Prudentia, Iustitia,

Temperantia et Fortitudine iisque adnexis in gradu heroico Servae Dei Carolinae

Beltrami, fundatricis Sororum vulgo dictarum « Immacolatine di Alessandria »,

in casu et ad effectum de quo agitur.

Hoc autem decretum publici iuris fieri et in acta Congregationis de Causis

Sanctorum Summus Pontifex referri mandavit.

Datum Romae, die 17 mensis Ianuarii A. D. 2009.

e Angelus Amato, S.D.B.

Archiep. tit. Silensis

Praefectus

L. e S.

e Michaël Di Ruberto

Archiep. tit. Biccarensis

a Secretis