Congregatio de Causis Sanctorum 519

noluit, sed festinans in conventum se contulit, ubi capta est. Duodequinqua-

ginta annos nata, in pago Goražde die 15 mensis Decembris anno 1941 mar-

tyrium consummavit.

Serva Dei soror Maria Berchmana Carolina Anna Leidenix in oppido En-

zersdorf, prope Vindobonam, ortum habuit die 28 mensis Novembris anno

1865. A iuvenili aetate religiosam persensit vocationem et in Congregationem

accepta est. Postquam vota anno 1883 nuncupaverat, in Bosniam missa est,

ubi totam per vitam est commorata. Magistrae munus exercens se dedit

pueris erudiendis iisdemque catechesi tradendae. Officia insuper explicavit

moderatricis et magistrae noviciarum. Oecumenico spiritu peculiariter emi-

nuit. In oppido Ejetlina interempta est die 23 mensis Decembris anno 1941,

cum aetatis annos ageret sex et septuaginta.

Serva Dei soror Maria Krizina Iosepha Bojanc primam lucem aspexit in

oppido Zbure, apud viciniam Novae Urbis, in Slovenia, die 14 mensis Maii

anno 1885. Adulta iam aetate Congregationem ingressa est et anno 1926

perpetua vota emisit. Ad domestica et rustica officia destinata, diversis in

locis Bosniae vitam duxit. Modus sese gerendi insignitus est spiritu oboedien-

tiae et sollicitudinis erga proximum. Timida indole ditata, patiens tamen erat

et omnino Dei voluntati dedita. In pago Goražde simul cum ceteris sororibus

martyrio coronata est, cum aetatis sex et quinquaginta ageret annos.

Serva Dei soror Maria Antonia Iosepha Fabjan die 23 mensis Ianuarii anno

1907 orta est in oppido Malo Lipje, non longe a Nova Urbe in Slovenia.

Adulescens orphana mansit et ad vitam consecratam vocari persensit; itaque

anno 1929 Congregationem amplexa est. Anno 1937 perpetuam fecit pro-

fessionem. Deinde in hortum et agros colendos operam impendit et etiam

in domesticos labores. Spiritu oboedientiae et humilitatis praecipue eminuit.

Etiam in pago Goražde die 15 mensis Decembris anno 1941 martyrii palmam

accepit, quattuor et triginta aetatis annos nata.

Serva Dei soror Maria Bernadeta Teresija Banja primum lumen vidit die

17 mensis Iunii anno 1912 in oppido Veliki Grdevac, in Croatia, e parentibus

Hungaris. Vocationem ab infantia percipiens ad Iesum sequendum in vita

consecrata, excepta est in Congregationem. Temporariis votis Deo se conse-

cravit anno 1932. Deinde in communitatem Palensem translata est ut

officium coquae ibidem exsequeretur. Consorores eius testatae sunt Servam

Dei oboedientem fuisse, patientem et admodum diligentem necnon in opere

indefessam. Undetriginta annos nata, martyrium passa est simul cum ceteris

sororibus in pago Goražde die 15 mensis Decembris anno 1941.