57. De sancto Emmerico.

In 1. Vesperis.

Super Psalmos.

A. Laetare, Pannonia,
Mater et nutricia,
Cole cnm laetitia
Tuae prolis gaudia ;
Gaude et Sclavonia
De tui ducis gloria,
Deo vota dulcia
Solve laude varia;
Jesu bone, praemia
Da de coeli curia
Populo praesentia
Colenti solemnia.

Ad Magnificat.

A. Ave, flos nobilium

Sacrae stirpis virgula,
Salve spes humilium,

Sidus sine macula,
Lucerna fidelium,

Rubens mundi rosula,
Vale, candens lilium,

Pigmentorum cellula,
Solamen flebilium,

Prece nobis sedula
Fer, Emmrice, praemium,

Repelle pericula.

Ad Matutinum.

Invitatorium.

Confessoris Emmrici

Laeta natalitia
Per orbem mirifici

Celebret ecclesia.

In 1. Nocturno.
Antiphonae.

1. Legem Dei jugiter
beatus Emmricus
Nocte die meditans
Deo fit amicus.

2. Disciplinam Domini
puer apprehendit
Et mentem coelestibus
devotus Intendit.
3. Corpus negat subdere
nocturno sopori,
Laudes vigil solvere
curat creatori.

Eesponsoria.
1. Ex regali prosapia

Dux Emmricus oritur,
De radice pius pia

Surculus progreditur
Et In patris proles via
Recto calle graditur.
V. Sidus sole gignitur
Et odor ex Libano,
Dum de rege nascitur
Emmericus Stephano.
2. Rubum flamma comprehendit,
Comprehensum non Incendit

Divino miraculo ;
Sic Emmricum non offendit
Ardor carnis, sed defendit
Deus a piaculo ;
V. Sic hiems laurum

non urit nec rogus aurum.
3. In Aegypto vanitatis
Novus Joseph castitatis

Conservando lilium
In se duplex tam aetatis
Quam carnalis voluptatis
Edomat Incendium.
V. Virgo vivit illibatus
Virginis In gremio,
Igne non est aestuatus
Ignis manens medio.

In 2. Nocturno.
Antiphouae.
1. Vanitatem respuens
haeret veritati
Falli docens homines
datos vanitati.

2. Quia pie sobrie

juste conversatur,
Voluntatis Domini
scuto coronatur.
3. O quam admirabile,

quod passibus sic tutis
Pertransivit juvenis
viam juventutis.

Responsoria.

1. In quadam basilica

Sanctus dat se pronum
Orans fusis lacrimis

Ante Dei tbronum,
Mente tractat, Domino

Quod vel quale bonum
Offerat, cum coelitus

Hunc audivit sonum:
Res grata virginitas,

Hanc da mihi donum.
V. Scripto cepit protinus

Spem posteritatis,
Custodire titulum

Suae castitatis.
2. Puer igne coelici

succensus amoris
Mundi spernit gloriam

pro spe melioris,
Diadema respuit

labilis honoris,
Conjugalem copulam

respuit uxoris,
Mente Deo militat,

dux vocatur foris.
V. Osculorum numero

monachorum merita
Patri puer disserit

et probatur ita.

3. Supremi regis filius

nostri regis natum
De se specialiter

ostendens amatum,
Ne fallat malitia

spiritum beatum,
De macula transtulit

sed non maculatum,

Regne mutans stabili

mobilem ducatum.
V. Ne vel levem sentiat

in vita reatum,
Vitae dedit juvenis

finem properatum.

In 3. Nocturno.
Antiphoiiae.
1. Vitae vitat maculam
loquens veritatem,
Carnis vicit faculam
per virginitatem.
2. In virtute Domini
Emmricus laetatur,
Quia virgo virgini
Christo sociatur.
3. Hic Innocens manibus
et In corde mundus
Coeli junctus civibus
gaudet lactabundus.

Responsoria.
1. Virum ligat pro peccatis

papalis sententia,
Quod lorica corpus cingat,

hac cum poenitentia
Loca sacra lustret pergens

per terrarum spatia,
Poenitenti vel sic parcat

divina clementia ;
V. Hoc pro signo datur reo

sui ferri fractio,
Quod concessa sit a Deo

peccati remissio.
2. Currit aeger spiritalis

causa medicaminis,
Ora rigat utriusque

gemens Imber luminis,
Fert In membris pondus ferri,

mente massam criminis,
Passim quaerit, nil Invenit

sperati solaminis.
V. Per Emmrici confessoris

santissima merita
Tam poenarum quam culparum

huic laxantur debita.

3. Ascendentem miserae

vallis ab exsilio
Sursum ducit jubilans

angelorum concio,
Contradicens daemonum

confutatur legio,
Coelum scandit libere

liber omni vitio,
Sic Emmricus jungitur

sanctorum consortio.
V. Clara Dei coelitus

licet miranda visio
Caesarea praesuli

monstratur Eusebio.

Ad Laudes.
Antiphonae.

1. In hoc die laetitiae

Mater plaudat ecclesia,
Sanctus Emmricus hodie
Viam mutavit patria.
2. Fit salutis semita,
Via juniorum,
Via morum Inclita,
Tuba seniorum.
3. Joseph fugit dominam
Crimen detestatus,
Iste suam feminam
Causa coelibatus.
4. Quasi David dejicit
Funda Pbilistaeum,
Dum de carne perficit
Emmricus trophaeum.

5. Res est mira penitus,
Quod per vim virtutis
Superatur funditus
Ardor juventutis.

Ad Benedictus.

A. Dulcis Dei spiritus,

Cujus magistratu
Dux Emmricus praeditus

Vitae coelibatu
Conservatus penitus

Exstat a reatu;
Nos ure medullitus

Ejus pro precatu
Coelique divinitus

Docens Incolatu.

In 2. Vesperis.
Ad Magnificat.

A. O norma justitiae,

Limes aequitatis,
Decor innocentiae,

Lima puritatis,
Gemma pudicitiae,

Flos virginitatis,
Castrum castimoniae,

Campus caritatis,
Regem cernens gloriae

Regno claritatis,
In loco miseriae

Nobis collocatis
Defer donum gratiae

Gratis et Ingratis.