Quinquagena I.

l.Ave, virgo, arbor fructifera,
Fructum suo ferens in tempore,
De eiusdem esu me repara
Peccatorum foedatum pulvere.

2. Ave, quae ex tribu Iudaica
Es electa in matrem Domini,
Labe prisca me solvens adplica
Dignitatis tuae servimini.

3. Ave, virgo, quae es continua
Succurrendo ad te clamantibus,
Removere digneris nocua,
Quibus premor ab adversantibus.

4. Ave, virgo, splendor laetitiae,
Corda replens superna gratia,
Cunctas aufer causas maestitiae,
Tribulatis praebens solacia.

5. Ave, qua, revertuntur praevia
Ad coronas electi perditas,
Oberrantem me nunc per devia
Ad virtutum reducas semitas.

6. Ave, spes et salus debilium,
Hos consolans donis largissimis,
Audi quoque preces flebilium
Te precantum cum piis lacrimis.

7. Ave, virgo,

per quam credentibus
Reserata est spei ianua,
Tuis me interesse laudibus
Circumspectione fac congrua,

8. Ave, o dominarum domina,
Admiratur quam universitas,
Nos transnantes

per mundi flumina
Ad polorum dirige semitas.

9. Ave, virgo, adiutrix omnium,
Te quaerentum mentisinstantia,
Nostrum impleas desiderium
Dans amorem cum patientia.

10. Ave, beatorum laetitia,
Cuncta frangens

figmenta baeresum,
Accedentem te cum fiducia
Serva, ne mergatur in tartarum.

11. Ave, virgo, cuius nobilitas
Declaratur regali schemate,
Per te nobis lucescat veritas
Scripturarum contenta dogmate.

12. Ave, mater, salutis gentium,
Qua speramus misericordiam,
In agone mihi solacium
Praesta,neinmorteobdormiam.

13. Ave, virgo, natum parturiens
Rubicundum,

pulchrum et candidum,
Profugetur per te insipiens
Caupo viruspropinansaspidum.

14. Ave, paradisi iucunditas,
Cum qua iustus

quisque tripudiat,
Nos praeservet tua benignitas,
Hostis pellax ne nos decipiat.

15. Ave, virgo stans Aaronico
Flore compta,

sed per mysterium,
Nos ligatos fune daemonico
Tuum solve per ministerium.

16. Ave, virga Iesse christifera,
Obumbrata aeterno numine,
Tibi carmen hoc fantem libera
Ab aeterni ignis uredine.

17. Ave, virgo, caeli delicias
Meruisti quae per munditiam,
Purga mentis meae spurcitias,
Ut te puro amore diligam.

18. Ave, mater gigantis strenui,
Procedentis a tuo utero,
Me coapta eius occursui,
Cum a carne eductus fuero.

19. Ave, virgo, innitens nomini
Dei nostri patris litamine,
Congaudentes beatitudini
Tuae tuo tuta tutamine.

20. Ave, mater Christi magnifica,
Quam honorantconcentuscaelici,
Vultu tuo tunc me laetifica,
Praesentaborcumsummoiudici.

21. Ave, cuius exstitit virginal
Impollutam ab omni crimine,
Nos a truee conserva Belial
Tui ventris redemptos germine.

22. Ave, cuius precum instantia
Restauratur fides Theophilo.
Sitientes precantes satia
Pietatis de fontis poculo.

23. Ave, victrix qua dux militiae
Assur Holofernes prosternitur,
Donum nobis da innocentiae,
Cui virtuti caelum promittitur.

24. Ave, cuius prolis per sanguinem
Est amotus ensis versatilis,
Mentis meae dita pauperiem
Phalerando virtutum gemmulis.

25. Ave, stella o serenifica,

Tenebrarum pultrix formidinis,
Servi tui mentem purifica
Ab hac fugans imbres libidinis.

26. Ave, tutrix Deum timentium
Atque mentis illuminatio,
Me a feritate nocentium
Tua, quaeso, servet protectio.

27. Ave, benedicta a Domino,
Protectore in te sperantium,
Nos amoris renecte glutino,
Quos livoris turbat dissidium.

28. Ave, virgo, in cuius gremium
Se recepit fortis rhinoceros,
Obtinere sanctorum praemium
O beata fac me theotocos.

29. Ave, virgo, per quam beatitas
Est incepta humani generis,
Tua, precor, solvat benignitas
Habitantes in domo carceris.

30. Ave, virgo, amoris scrinimum,
Copulata sancto spiritui,
Cordis mei munda triclinium
Prolis tuae aptans amplexui.

31. Ave, arca Noe quae diceris,
Mundum salvans

peccatis naufragum,
Expiatrix sis mei sceleris,
Reconcilians Deo prodigum.

32. Ave, virgo, quae a credentibus
Veneraris per laudem congruam,
Infrenato me Dei laudibus,
Ne ut equus in praeceps corruam.

33. Ave, fax caelestis candelabri,
Peccatorum resolvens loculos,
Super foedum caeno volutabri
Pietatis reflecte oculos.

34. Ave, virgo, per cuius filium
Reparatur in mente debilis,
Esto mihi in adiutorium,
Ne ut arbor evellar sterilis.

35. Ave, virgo, et fons irrigue
Omnis boni et plenus gratia,
Ambulare sic me fac congrue,
Ne offendam quemquam malitia.

36. Ave, relevatrix labentium,
Hos a casu clementer sublevans,
Purga sordes

nostrarum mentium,
Quos foedavit caro tabificans.

37. Ave, virgo, flore stans florida,
Caius odor mentes inebriat,
Corda nostra peccatis morbida
Sana, hostis noster quae sauciat.

38. Ave, mater prolis altissimae
Pietatisque thesaurarium,
In diei hora novissima
Mihi, precor, sis adiutorium.

39. Ave, stella, marina fulgida,
Illustratur qua mentis caecitas,
Corda nostra expurga sordida,
Inquinavit quae mundi vanitas.

40. Ave, virgo, rosa de Iericho,
Fama olens per mundi climata,
Me, qui carmen hoc tibi porrigo,
A peccati morte resuscita.

41. Ave, fons. ad quem cervus sitiens
Festinavit, salutem hominum,
Summo Deo et tibi confitens
A terrore servetur daemonum.

42. Ave, virgo, aurora rutilans,
Lucem vitae immittens tenebris,
Has a mente sis mea ventilans,
Ut te digne laudem cum ceteris.

43. Ave, virgo, in qua mirifica
Operata est summa deitas,
Vias meas, quaeso, rectifica,
Quas decurvatmorum stoliditas.

44. Ave, arca caelestis gratiae,
Qua perfusa sunt mundi spatia,
Nos commenda regi iustitiae,
Ut infundar eadem gratia.

45. Ave, flumen misericordiae,.
Civitatem Dei laetificans,
Prece tua malum discordiae
Aufer, corda nostra pacificans.

46. Ave, natum videns in iubilo
Ascendentem

ad sedem superam,
Post examen da tuo servulo
Pervenire ad eius dexteram.

47. Ave, quae incomprehensibilem
Circumplexa es sacris brachiis,
Praesta mihi vitam laudabilem,
Qua coniungar

sanctorum gaudiis.

48. Ave, virgo felix christi gena,
Quam honoro hoc in psalterio
Me, quem gravant
mala multigena,
Tuo releves adiutorio.

49. Ave, virgo, pons fluctuantium
Huius vitae fluctibus lubricae,
Nos in fine dierum omnium
Coram iusto excusa iudice.

50. Ave, o exemplar munditiae.
Supernorum decus et gloria,
Prolis tuae me redde gratiae,
Quam amisi per probra varia.