in civitate quae tunc sub nomine Portus Principis erat, hodie vero Cama-

gueyae, ubi 54 annos vitae in constanti ac benigno pro aegrotis pauperibus-

que ministerio consummavit. Opus ministri infirmorum semper cum officiosa

sedulitate pro universa persona comitatus est et cum humili ac familiari

spiritualitate. Tempore belli « Decem Annorum » nuncupati, etsi inter pericu-

la, mira caritate summam pro omnibus qui illius tempestatis aerumnis labo-

rati essent impendit operam. Ab omnibus admiratus et defletus, die 7 mensis

Martii anno 1889 in Domino obdormivit.

Summus Pontifex Benedictus XVI, die 16 mensis Decembris anno 2006,

Servum Dei virtutes theologales, cardinales et his adnexas heroico gradu

coluisse decrevit.

Beatificationis respectu, Causae Postulatio iudicio huius Congregationis

de Causis Sanctorum assertam subiecit miram sanationem Danielae Cabrera

Ramos ex ipsa civitate Camagueyensi oriundae, quae, anno 1999, dum quar-

tum aetatis suae agebat annum, febrim doloresque in abdomine animadver-

tere incepit, quorum causa - sicut postea visum est - malignus magnae

mensurae tumor erat. Licet perscrutationis causa chirurgicae sectioni atque

cum longis tum inanibus medicamentis puella commissa fuerit, condiciones

puellae tam graviores verterunt, ut omnes vero maius discrimen providerent.

Pater puellae, igitur, parochum rogavit, ut preces pro sanatione filiolae ef-

funderentur. Quapropter non modo communitas paroecialis, sed et multi alii,

inter quos ipsa mater Danielae erat, quae tunc temporis fide vacabat, ad

divinum auxilium per intercessionem Servi Dei confugerunt. Res sic se ha-

buerunt, ut repente valetudo parvae infirmae signa profectus ostendere inci-

peret et ad normales condiciones salutis perveniret. Continuatio temporis et

nexus inter invocationem Servi Dei et sanationem Danielae Cabrera Ramos

clarissime patuit, quae nunc optima valetudine utitur et ordinariam vitam

degit quod ad omnes attinet humanas relationes.

De hac mira aestimata sanatione inter dies 9 mensis Februarii et 8 mensis

Martii anno 2004 apud Curiam Camagueyensem Inquisitio Dioecesana cele-

brata est, cuius auctoritas et vis iuridica a Congregatione de Causis Sancto-

rum decreto diei 18 mensis Iunii anno 2004 probatae sunt. Dicasterii Colle-

gium Medicorum in sessione diei 24 mensis Maii anno 2007 sanationem illius

« tumoris glandularum lymphaticarum, quod haud ad typum Hodgkin nun-

cupatum, sed potius ad typum Burkitt pertinebat, in tertio statu progressio-

nis, in abdomine late diffusi et defectu renali cum precoci reincidentia exo-

nerati » rapidam, completam, duraturam et inexplicabilem secundum

Acta Apostolicae Sedis - Commentarium Officiale402