Acta Apostolicae Sedis - Commentarium Officiale658

Pastoris, videlicet de celeri, perfecta ac constanti sanatione Sororis Helgae

Yaneth Rincón Prieto a «miopia bilaterale di grado medio in soggetto adulto ».

Hoc autem decretum publici iuris fieri et in acta Congregationis de Causis

Sanctorum Summus Pontifex referri mandavit.

Datum Romae, die 19 mensis Decembris anno Domini 2009.

e Angelus Amato, S.D.B. Archiep. tit. Silensis, Praefectus

L. e S.

e Michaël Di Ruberto Archiep. tit. Biccarensis, a Secretis

GRANATEN.

Beatificationis et Canonizationis Ven. Servi Dei Leopoldi ab Alpandeire (in saec.:

Francisci Thomae Márquez Sánchez), Laici Professi Ordinis Fratrum Minorum

Capuccinorum (1864-1956)

DECRETUM SUPER MIRACULO

Venerabilis Dei Servus Leopoldus (in saec.: Franciscus Thomas Márquez

Sánchez) die 24 mensis Iunii anno 1864 ortum habuit in vico Alpandeire,

prope Malacam in Hispania, ex devota familia ruricola. Inde a puero parentes

in operibus agricolis adiuvit, peculiarem operositatis et bonitatis spiritum

ostendens. Quodam autem die, audiens concionem de beato Didaco Iosepho

a Gadibus, occasione festorum beatificationis huius thaumaturgi Capuccini,

Servus Dei consilium cepit vitam religiosam franciscanam amplectendi, et die

16 mensis Novembris anno 1899 Hispali habitum capuccinum induit. Decisio

haec absolutam vitae mutationem non constituit, sed perfectionem interio-

rem eorum quae secundum Evangelium iam exsequebatur. Expleto novitiatu

votisque nuncupatis, Servus Dei breves transegit periodos in conventibus

Hispalis, Granatae et Anticariae in Malaca. Anno 1914 Illiberim repetiit ad

stipem quaeritandam, ibidem permanens usque ad mortem. Peram umeris

portans, excalceatus, semper pedibus incedens, frater Leopoldus ultra quin-

quaginta annos ostiatim urbem viciniaque peragravit eleemosynam pro suis