Acta Apostolicae Sedis - Commentarium Officiale738

ac rationes conexionis inter Verbi liturgiam et liturgiam eucharisticam.

Praeparatio technica lectores aptiores in dies reddere debet ad artem coram

populo legendi sive viva voce, sive ope instrumentorum recentium ad vocem

amplificandam ».207

Momentum homiliae

59. « Varia etiam sunt officia et munera quae competunt cuique quoad

Verbum Dei, ita ut ipsum verbum fideles auscultent atque meditentur, illi

vero soli exponant ad quos ex sacra ordinatione magisterii munus spectat, vel

quibus idem ministerium committitur exercendum »,208 id est episcopis, pres-

byteris et diaconis. Unde intellegitur sollicitudo quam exhibuit Synodus de

homiliae argumento. Iam in Adhortatione apostolica postsynodali Sacramen-

tum caritatis rettulimus: « Cum Dei Verbum conspicuum obtineat locum, ne-

cessitas exsistit meliorem efficiendi homiliae qualitatem. Ipsa enim ''est pars

actionis liturgicae''; munus habet fovendi pleniorem intellectum efficaciam-

que Verbi Dei in vita fidelium ».209 Revera homilia nuntium Scripturae exse-

quitur, ita ut fideles inducantur ad praesentiam et efficaciam Verbi Dei

hodierno propriae vitae tempore detegendam. Ipsa ad comprehensionem

mysterii quod celebratur conducere debet, ad missionem invitare, plebem

praeparans ad fidei professionem, ad orationem universalem et ad liturgiam

eucharisticam. Quapropter ii qui peculiare ob ministerium ad praedicationem

deputantur, hoc munus in animo habeant. Vitentur oportet homiliae generi-

cae et abstractae, quae Verbi Dei simplicitatem obtegunt, sicut etiam inutiles

evagationes quae in periculum veniunt ne mentem potius in praedicatorem

quam in cor evangelici nuntii inducant. Fidelibus ut clare pateat oportet

praedicatoris munus esse Christum monstrandi, qui centrum constituere de-

bet omnis homiliae. Quamobrem praedicatores necesse est familiaritatem

assiduumque usum excolant cum textu sacro; 210 ad homiliam se praeparent

in meditatione et oratione ut praedicent cum persuasione et passione. Coetus

synodalis monuit ut sequentes ponderentur interrogationes: « Quid proclama-

tae lectiones dicant. Quid mihimet ipsi dicant. Quid communitati, ratione

eiusdem adiunctorum habita, sim dicturus ».211 « Praedicator a Verbo Dei,

207 Ordo Lectionum Missae, 55. 208 Ibid., 8. 209 N. 46: AAS 99 (2007), 141. 210 Cfr. Conc. Oecum. Vat. II, Const. dogm. de divina Revelatione Dei Verbum, 25. 211 Cfr. Propositio 15.