1012 Acta Apostolicæ Sedis - Commentarium Officiale

In hac igitur taeterrima tempestate, in maximis turbinibus ac fluctibus

rei publicae, dum inhumana prorsus insectatione petitur Ecclesia, gloriosum

in conspectu Domini Martyrium fortissimae hae Dei Ancillae consumma-

runt: Mariam dicimus a Monte Serrato García Solanas eiusque Socias VIII,

Sorores professas Instituti Minimarum Discalceatarum Sancti Francisci de

Paula (nam Barcinone omnes in asceterio vitam communem degebant), una-

que cum illis Lucretiam García Solanas, e laicarum ordine Christifidelem

viduamque domini Iosephi Gaudí. Sanctimoniales enim, de imminenti eoque

maximo certiores factae periculo, claustris egressae passimque in civitatem

dilapsae, refugium ubi potuere quaesiere. Sed fuit brevi tempore usura nam

vesperascente caelo die 23 mensis Iulii, anno 1936, Sacro Rosario recitando

intentae erant hae Dei Ancillae, cum subito patefacta ianua earum aedium

in quas ipsae convenerant, peradulescentes milites, armatorum globus, ma-

nuballistulis, mucronibus ornati atque instructi, strictis gladiis irruperunt.

Qui cum omnia sese inspecturos denuntiassent, singulas in passione socias

excussere excussasque impiis manibus in automatarium currum imposuere;

idque nulla omnino de sacrosancta earum dignitate ratione habita, ita ut

quorundam ex iis, pro nefas, praecipitatim devolutarum ossa fracta sint.

Quas demum cum deduxissent in aream laterariae, quam Barcinonenses

vulgo Bóbila de Can Boada nominabant, miseras inermesque trucidarunt,

mucronibus, gladiis in eas saevientes; plumbeisque glandibus transfossas

ad necem ceciderunt.

Quarum nomina hic fideliter descripta prostant, brevi adiecta cuiusque

vitae memoria:

Mater Maria a Monte Serrato (quae, dum saeculo viveret, Iosepha Maria

a Columna García Solanas), in pago dioeceseos Turiasonensis, quem Hispani

vulgo Aniñón appellant, in regione Caesaraugustana, die 8 mensis Martii,

anno 1871, in lucem edita, baptismate sancto postridie nativitatis rite abluta

est. Quae anno 1899 sacra vota nuncupavit.

Mater a Sancta Margarita de Alacoque a Sancto Raimundo (quae, dum

saeculo viveret, Raimunda Ors y Torrents), in pago dioeceseos Vicensis,

quem Hispani vulgo Centelles nominant, in regione Barcinonensi, die 28

mensis Octobris, anno 1862, nata, insequenti die lustrali sacri fontis aqua

expiata est. Quae anno 1887 se Deo mancipavit.

Mater ab Assumptione (quae, dum saeculo viveret, Maria Perdolens Vi-

laseca y Gallego), in pago Barcinonensis archidioeceseos et regionis, quem