120 Acta Apostolicæ Sedis - Commentarium Officiale

ACTA CONGREGATIONUM

CONGREGATIO DE CAUSIS SANCTORUM

ABULENSIS

Beatificationis seu Declarationis Martyrii Servorum Dei Iosephi Maximi Moro Briz et IV Sociorum Sacerdotum dioecesanorum († 1936)

DECRETUM SUPER MARTYRIO

« Christus autem unam pro peccatis offerens hostiam, in sempiternum

sedet in dextera Dei [...]. Una enim oblatione consummavit in sempiternum

sanctificatos » ( Hebr 10, 12-14).

Isti Abulenses martyres, dioecesani sacerdotes, pro fide sanguinem suum

effuderunt et se intime iunxerunt cum illa Christi sacerdotis et victimae

sola oblatione, sic ad sanctitatis perfectionem pervenientes.

Eorum historia martyrii ad primam partem saeculi vicesimi pertinet,

cum tota Hispaniae humana societas perturbata est ab actionibus et ratio-

nibus, quae per discriminationes et coercitiones cuiusdam factionis politi-

cae-militaris adhibita sunt. Mores contra christianos et adversus Ecclesiam

raptim se propagaverunt et incredibili inhumanitate et barbaria praecipue

contra institutiones et homines apparuerunt. Nubes istius vehementis re-

ligiosae persecutionis implicabantur cum casibus et vicissitudinibus civilis

belli (1936-1939), saevitias efficientes contra christianos et maxime contra

sacerdotes et religiosos. Votum talis odii fuit omnino evertere et delere

nom solum praesentiam sed etiam memoriam christianitatis in Hispania.

Fines dioecesis Abulensis non exemptae sunt ab hac condicione, immo

scaena fuit multorum innocentium interfectionum.

Haec est brevis descriptio vitae Servorum Dei, qui ad mortem mense

Augusto anno 1936 perducti sunt:

1. Servus Dei Iosephus Maximus Moro Briz, presbyter, natus est die 29

mensis Maii anno 1882 in pago v. d. Santibáñez de Béjar, Salamanticensi