368 Acta Apostolicae Sedis - Commentarium Officiale

compotes dumtaxat quod est illis magna affectus necessitas, tamen non

valent pro felicitate aliorum certare et vivunt propriis in desideriis inclu-

si. Hoc in casu sensus a magnis bonis abducunt atque sui ipsius studium

abscondunt quod non sinit ut vita in familia sana felixque colatur.

146. Ceterum, si quaedam passio actum liberum comitatur, altitudinem

illius optionis manifestare potest. Amor matrimonialis illuc perducit ut

tota animi motuum vita bonum pro familia fiat et vitae consortio serviat.

Maturitas in familia acquiritur cum vita animi motuum eius membrorum in

sentiendi vim transformatur quae non dominatur neque magnas obscurat

optiones atque bona, sed eorum comitatur libertatem,141 ab illa exit, eam

locupletat, exornat atque temperat ad omnium bonum.

Dei dilectio laetitiae Eius filiorum

147. Hoc iter postulat paedagogicum processum, qui renuntiationes

quasdam secum fert. Est Ecclesiae persuasio pluries recusata, perinde ac

si inimica esset humanae felicitatis. Benedictus XVI hanc interrogationem

planissime recoluit: « Nonne suis mandatis atque vetitis Ecclesia rem vitae

pulcherrimam fortasse reddit nobis amaram? Nonne fortasse nuntios prohi-

bitionis attolit Ecclesia ibi omnino ubi laetitia nobis a Creatore praeparata

felicitatem nobis praebet quae praegustare nos etiam sinit aliquid de Divina

natura? ».142 Sed ille sic respondebat: licet in religione christiana exaggerata

quaedam invenirentur aut vitiati ascetismi, magisterium Ecclesiae, fidelis

Scripturis, « minime eros repudiavit in se, sed quasi bellum indixit eius ever-

sioni deletoriae, quoniam falsa divinizatio eros […] destituit eum dignitate,

eripit ei humanitatem ».143

148. Educatio commotionum et instinctus est necessaria et, hanc ob

rationem, nonnumquam opus est quosdam constitui terminos. Nimium,

immoderatio, una flagranter petita voluptas efficiunt ut enervetur et ae-

grotet ipsa voluptas,144 atque familiae vitam laedunt. Revera bonum iter

perfici potest cum passionibus, quod secum fert ut eae magis ac magis ad

propositum dirigantur se donandi seseque plene perficiendi ad uberiores

necessitudines inter personas intra ipsam familiam consequendas. Profecto

141 Cfr ibid., q. 59, a. 5. 142 Litt. Enc. Deus caritas est (25 Decembris 2005), 3: AAS 98 (2006), 219-220. 143 Ibid., 4: AAS 98 (2006), 220. 144 Cfr tHomaS aquinaS, Summa Theologiae I-II, q. 32, a. 7.