58 EX S. G. INQUISITIONIS

S. Congregationi Concilii die 26 maii 1897, s e q u e n s reperitur Postulatum :

« Cum saepe saepius, ob parochiarum multitudinem ma-

2. Ex eo quod uti dubius habetur baptismus a talibus ministris administratus; unde dubium exurgit utrum valida possint esse matrimonia inter catholicum et haereticum. *

3. Denique ex eo, quod praesumptio habeatur contrahentes coram talibus mi- nistris non intendere consensum praestare in vinculum perpetuum et indissolubile : ideo manifestum est iuxta casuum diversitatem inquisitiones praescriptas vel circa singula recensita capita esse faciendas vel circa illud praesertim, unde peculiaris exurgit ratio dubitandi.

Primum itaque, iuxta regulas Amplitudini Tuae notas inquirendum erit de statu et conditione personarum, quae in haeresi vel coram haereticis contraxerunt, ad dignoscendum, utrum aliquod extiterit inter eas dirimens impedimentum quod earum matrimonium nullum et invalidum redderet. Praesertim inquirendum erit, utrum qui coram ministro haeretico matrimonium contraxerunt, ligati fuerint alio vinculo in infidelitate contracto. Porro pro hoc examine, et pro iudicio in hoc casu proferendo, Amplitudo Tua prae oculis habere debebit resolutiones, et instructiones, ab hac S. Congregatione iam editas, praesertim illas datas Vicario Apostolico Ocea- niae Meridionalis anno 1836 : et Vicario Apostolico Oceaniae Centralis anno 1872 quas insimul accipiet.

Quoad alterum vero caput, unde dubia eliam exoriuntur, attendenda erit re- solutio huius S C edita in feria IV. die 19 Novembris 1830, quae sic se habet: « Proposito dubio: An calvinistae et lulherani in illis partibus (Galliarum) degen- tes, quorum baptisma dubium et suspectum est, infideles habendi sint, ita ut inter eos et catholicos disparitatis cultus impedimentum dirimens adesse censeatur? Re- spondit: quoad haereticos, quorum sectae ritualia praescribunt collationem bapti- smi absque necessario usu materiae et formae essentialis, debet examinari casus particularis. Quoad alios, qui iuxta eorum ritualia baptizant valide, validum cen- sendum est baptisma; quod si dubium persistat etiam in primo casu censendum est validum baptisma in ordine ad validitatem matrimonii. Si autem certo cogno- scatur nullum baptisma ex consuetudine actuali illius sectae, nullum est matrimo- nium». Primum itaque inquirendum erit de collato baptismo et de ipsius validi- tate; et si ex hac inquisitione nihil certi deduci possit, et dubium prudens, prout supra dictum est, perseveraverit, tamquam validum in ordine ad matrimonium haberi debet, seu matrimonium cum tali dubio contractum uti validum retinendum erit atque legitimum.

Quoad ultimum denique dubitandi caput omni diligentia et solertia investi- gandum erit, utrum conditio contraria perpetuitati et indissolubilitati vinculi con- iugalis aliqua ratione, directe vel indirecte, explicite vel implicite, in pactum fuerit a contrahentibus deducta, seu utrum matrimonium fuerit contractum cum prava voluntate non consentiendi in vinculum perpetuum. Ad hoc cognoscendum non solum consideranda erunt verba, quibus consensus fuit expressus, sed etiam ponderanda erunt facta, quae ipsam consensus expressionem, vel modum eius- dem expressionis respicere possunt, quae si talia fuerint, ut usus et consue- tudo istorum locorum ea interpretentur tamquam praedictae conditionis irri-