58. De sancta Martha.

In 1. Vesperis.

Antiphonae.

1. Gesta Martbae gloriosa
Pange, lingua, Domino,
Virgo fuit et famosa
Sine nilo termino.

2. Claris orta natalibus
Deo cara
Piis splendet operibus
Non avara.

3. Deo vitae primordium
Recta norma
Dicans sive medium
Pari forma.

4. Virile contubernium
Impolluta
Semper cavens ut gladium
Mansit tuta.

5. Mundi, carnis illecrebis
Virtuosa
Calcatis vixit celebris
Gratiosa.

Ad Magnificat

A. Simplex fuit absque fraude
Angelorum digna laude

In bac valle miseriae,
Pro corona, terra, plaude,
Pro concive, coelum, gaude

In hac die laetitiae.

Ad Matutinum.
Invitatorium.

Adoremus creatorem,
Jesum, mundi salvatorem,
Qui Martham valde dilexit,
In hac die coelo vexit.

In 1. Nocturno.

Antiphonae.

1. Haec est Martha gloriosa
Christo, patri pauperum,
Membris ejus fructuosa,
Larga datrix munerum.

2. Cujus nutu, cujus cura
Subsistit et regitur
Universa creatura,

Ab hac Christus pascitur.

3. Quem sacra virgo lactavit
Jacente cunabulis,
Martha magnum fodllavit
Cum suis discipulis.

Responsoria.

1. Exsultet coelum laudibus,
Resultet terra cantibus
In Martbae natalitio,
Gratuletur in omnibus
Pro datis sibi partibus
In hoc sacro solemnio,
V. Nam Marthae corpns penitns
Insignit terram, spiritus
Sic coelum sine dubio.
2. Frugi forti femina
Sacra serit semina

Dei verba,
Christi servis tegmina
Dedit atque famina
Non acerba ;
V. Per sacra spiramina
Sic convertit agmina
Sat superba.
3. Haec in miris non defecit,
Sed in his valde profecit

Dono ducis,
Aquam sacram dum haec jecit,
Vim draconis mox dejecit
Valle trucis,

V. Plebi vinctum quem subjecit,
Cujus morte se refecit
Fructu crucis.

In 2. Nocturno.

Antiphonae.

1. Marthae soror est Maria
Magdalena, quae jugiter
Audiebat verba pia

Christi atque humiliter.
2. Martha vero ministrabat
Ipsi patri fidelium,
Pietatem exercebat
Utilitati omnium.
3. Sed clamans contra sororem
Ministrabat eminus,
Cujus partem meliorem
Tamen dicit Dominus.

Responsoria.

1. In Martha cibi parcitas
Et vestitus asperitas

Viguerunt,
Mentis, carnis integritas
Sensuumque frugalitas
Inierunt,
V. Verbi limata raritas,
Facti probata bonitas
Splenduerunt.

2. Digna fuit haec sanare
Morbum omnem et curare

Ab omni peste populum
Et a morte revocare
Jam defunctos et fugare

A pressis omnem zabulum,
V. Potens fuit praedicare
Dei verbum et vitare

Omne grave periculum.
3. Gaude, castrum Tarasconis,
Quod refulges tantis donis

Beatae Marthae gratia,
In tuis namque colonis
Magna fecit tam sermonis

Quam facti luculentia,

V. Ne sis expers rationis,
Hanc honora dignis donis
Exigente justitia.

In 3. Nocturno.

Antiphonae.

1. Harum fratrem suscitavit
Jesus piis precibus
Et a morte revocavit
Reddens eum sororibus.
2. Mira Christi potentia
Comprobatur,
Dum in plebis praesentia
Suscitatur.
3. Sic Christi beneficio
Relegatur
Sororum desolatio,
Quas solatur.

Responsoria.

1. Matris Dei socia
Martha fit egregia

Nutriendo
Nutritorem omnium
Et vitam mortalium
Appetendo,
V. Quarum amicitia
Nobis sit propitia
Protegendo.
2. Collaetentur adjacentes
Regiones et absentes,

Quae Marthae beneficia
Sunt expertae, cunctae gentes
Prope, longe existentes
Deo dicant Alleluja;
V. Nos condigne concinentes
Erigamus ad hanc mentes
Cum ingenti fiducia.

3. Sicut est haec hospitata
Christum, a quo est translata

Ad supernorum agmina,
Sic remissione data
Sua prece Deo grata
Nostra Iota sint crimina,

V. Ut ita mente purgata
Vita fruamur beata
Cum ipsa pia domina.

In Laudibus.
Antiphonae.

1. Jam lucis orto sidere
Sat valemus
In Marthae vita legere,
Quod servemus.
2. Quae hospitandi gratia
Facta grata
Jam quiescit in gloria
Exaltata.
3. Quem in sua saepe domo
Reecptavit hilariter,
Verus Deus, verus homo
Hanc coelo vexit dulciter.
4. Quem Abraham obumbratum
Divino novit spiritu,
Illum haee jam humanatum
Vidit carnis intuitu.
5. Deum, Martha, deprecare
Pro fideli populo,
Ut illum velit salvare
In aeterno saeculo.

Ad Benedictus.

A. Ora pro infidelibus,
Ut illustratis cordibus

Sacrosancto pneumate
Pulsis procul erroribus
Induantur virtutibus
Sano fulti dogmate.

In 2. Vesperis.

Alleluja.

Martha draconem ligavit
Et defunctum suscitavit

Divina potentia,
Infirmitates curavit,
Errores evacuavit

Ingenti constantia.

Ad Magnificat.

A. Pia Martha, intercede
Pro clero, ut coeli sede

Digno divina gratia
Facto Christi cohaerede
Angelorum semper aede
Sit in aeterna gloria.