Quinquagena II.

51. Ave, radix, quae salutigerum
Florem produxisti parturiens,
Agrum cordis mei spinigerum
Placa semen virtutum conferens.

52. Ave, turris David praeeminens,
Perornata virtutum gemmulis,
Caro mea per te insipiens
Excitetur timoris stimulis.

53. Ave, cuius membris virgineis
Se inclusit creator omnium,
Inimicis nos a tartareis
Tuum salva per adiutorium.

54. Ave, sidus splendore rutilum,
Cuncta mundi illustrans spatia,
Metuentes mortis periculum
Consoletur tua clementia.

55. Ave, conditioni miserae,
Quae succuris nostrae per filium,
Caput anguis antiqui contere,
Observantis nostrum calcaneum.

56. Ave, virgo, salutis galea
Fideique columna stabilis,
Mentem meam, precor, elaquea,
Peccatorum con-
strictam vinculis.

57. Ave, quae castitatis titulo
Exornans ut caeli numina,
Ne serpentis nocentis sibilo
Toxicemur, succurre, domina.

58. Ave, stella,

quae mentem naufragam
E marinis reducis fluctibus,
Insurgentem in nos stratilogam
Preme suis cum satellitibus.

59. Ave, virgo, Davidis filia,
Cuius Deus cupivit speciem,
Natum tuum nobis concilia,
Evadamus ut arcus faciem.

60. Ave, virgo, turris eburnea,
De sub cuius pugno velamine,
Me iuvando, quaeso, accelera
In pravendo mortis discrimine.

61. Ave, tutrix plebis catholicae,
Ab hac hostis pellens fallaciam,
Me praeceptis divinis subice
In adversis dans patientiam.

62. Ave, virgo, sub cuius tegmine,
Requiescunt corda humilia,
Gratiarum reple pinguedine
Te devote laudantis labia.

(i3. Ave, spes et mater fidelium,
Diriguntur qua velut remige,
Tuum mihi

praestans praesidium,
A pravorum me coetu protege.

64. Ave, virgo, ancilla Domini,
Hymnum ei decorum offerens,
Meo, precor, assis genimini
Mala cuncta ab eo removens.

65. Ave, cuius prolis nativitas
Est monstrata

per cellam gentibus,
Mentis meae per te ariditas
Irroretur gratiae imbribus.

66. Ave, o deitatis cellula
Praeservata ab omni vitio,
Te laudantem hac in litterula
Intuere vulto propitio.

67. Ave, virgo, polorum satrapa
Facta, potens nos salvos facere,
Zabulinum conatum dissipa,
Quo nos crebro temptat evertere.

68. Ave, cuius nati mors inclita
Ius confregit hostis tyrannicum,
Carne busto

post mortem tradita
Me ne spernas velut exoticum.

69. Ave, cuius alvi gestamine
Confunduntur

fraudes satanicae,
Tuae precis serva iuvamine
Te laudantem hymnis magnifice.

70. Ave, speciosa iuvencula,

Quam collaudo mente et labiis.
Mea iam decrescens aetatula
Animetur tuis praesidiis.

71. Ave, Sion o pulchra filia,
Agni Dei contecta vellere,
Gratiarum per stillicidia
Te laudantes purga a scelere.

72. Ave, stella o Balamitica,
Qua medentur corda fiebiliurn,
A me mundi aufer sophistica
Et in morte praebe auxilium.

73. Ave, quam fabricator temporum
Matrem elegit ab initio,
Ergo pia sis memor memorum
Hac laudantem te famulitio.

74. Ave, quae continentem omnia
Claustris tui celasti uteri,
Extollentem tua praeconia
Ne permittas ab hoste conteri.

75. Ave, virgo, radix vivifica,
Gratiarum rivos scaturiens,
Cogitatum meum rectifica,
Ad superna promissa erigens.

76. Ave, virgo turris constantiae,
Praemunita virtutum clipeis,
Velo tuo me rege gratiae,
Ne procellis mergar aequoreis.

77. Ave, virgo, quae mundo perdito
Genuisti salutis pretium,
Esu Iesu carnis me facito
Dignum, ne incurram iudicium.

78. Ave, mentis asylum profugae,
Inimici deceptae fraudibus,
Manum mihi iutricem porrige,
Vitiorum levans a sordibus.

79. Ave, caeli regina, imperans
Seraphinae sceptris militiae,
Aper infernalis exterminans
Vi pellatur tuae praesentiae.

80. Ave, panis aeterni alitrix,
Quo cibatur sanctorum contio,
Venerantes te, Dei genetrix,
In extremo salva iudicio.

81. Ave, virgo Maria inclita,
Mediatrix Dei et hominum,
Prece mea absolve debita,
Postetati ne tradar daemonum.

82. Ave, virgo et mater nobilis,
Creaturis cunctis praeeminens,
Illis nempe exstas dissimilis
Salvatorem mundi parturiens.

83. Ave, cella o pigmentaria,
Speciebus abundans gratiae,
Fac intrare nos caeli atria,
Iucundemur ut Christi facie.

84. Ave, sub caius carne contegi
Est dignata summa divinitas,
Ad superna conantes provehi
Tua dulcis iuvet benignitas.

85. Ave, o reparatrix gratiae,
Desperati spes et fiducia,
Nos in viam ducas iustitiae,
Qua venitur ad caeli gaudia.

86. Ave, virgo, munita civitas,
Cuius iecit Deus fundamina,
Incarnata in te divinitas
A me cuncta pellat discrimina.

87. Ave, Christi reclinatorium,
Requievit quo novem mensibus,
His, quos cruciat purgatorium,
Tuis piis succurre precibus.

88. Ave, gignens sine gravamine
Caeli, terrae

marisque principem,
Dona nobis tuo iuvamine
Superare peccati fomitem.

89. Ave, virgo o Aaronitica,
Flore pollens praefigurabili,
Eius precor vi aromatica
Me exorna vita laudabili.

90. Ave, virgo, sub cuius pedibus
Anguis infernalis proteritur,
Opem nobis fer supplicantibus,
Quos frequenter idem insequitur.

91. Ave, virgo, cuius clementia
Paenitentis lenit angariam,
Nato tuo me reconcilia,
Quem offendi, heu, plarifariam.

92. Ave, virgo, decore regio
Perornata et fortitudine,
Te laudare me cum tripudio
Fac dierum in longitudinem.

93. Ave, o exemplar humilium
Sed ruina superbientibus,
Prece tua demulce filium,
Ut me servet a malignantibus.

94. Ave, cuius forma spectabilis
Animarum impugnat maciem,
Tuam mihi, virgo amabilis,
Aurolentam ostende faciem.

95. Ave, caeli et terrae domina,
Namque tuo subsunt regimini,
Da, purgati ut sorde pristina
Innitamur tuae dulcedini.

96. Ave, obumbrata divinitus
Pietate aeterni flaminis,
Me absorbe, quaeso, medullitus
In sapore tui amaminis.

97. Ave, prolem

gignens mirabilem,
Potestate divina praeditum,
Vultum tuumpraebeamabilem
Carmen istud

canenti rhythmicum.

98. Ave, virgo, rubi Mosaici
Incombusti typus et veritas,
Per ardorem ignis Seraphici
Mentis purga

faeces absconditas.

99. Ave, porta, quae soli pervia
Deo exstitisti hunc pariens,
Oberrantem sis me per devia
Veritatis ad viam redigens.

100. Ave, cuius misericordiam
Veneramur loti a sordibus,
Odiosam Deo superbiam
Eradica e nostris cordibus.