Congregatio de Causis Sanctorum 521

EPOREDIENSIS

Beatificationis et Canonizationis Ven. Servae Dei Antoniae Mariae Verna, Funda-

tricis Instituti Caritatis ab Immaculata Conceptione v. d. « d'Ivrea » (1773-1838)

DECRETUM SUPER MIRACULO

Venerabilis Serva Dei Antonia Maria Verna die 12 mensis Iunii anno 1773

Provinciae Taurinensis in pago vulgo Pasquaro, ex municipio Rivarolo Cana-

vese, ortum habuit a parentibus christiana fide penitus immersis. Inde a

pueritia vitam ostendit omnino devotam et deditam observandae caritati

praesertim erga pueros ad fundamenta christianae doctrinae formandos.

Circa annum 1796 ad vitam orationis intenta, privato virginitatis voto

emisso, in oppidum Rivarolo Canavese se contulit ut per apostolatum cate-

cheticam instructionem exsequeretur, ad assistentiam pauperibus infirmis

praestandam in eorum domiciliis et ad erudiendas iuvenes omni instructione

carentes.

Annus 1806 prima exstitit occasio qua Venerabilis Dei Serva consilium

cepit novum religiosum Institutum condendi. Id tamen ut ad rem perduceret,

plures annos exspectare debuit et haud paucas difficultates superare necnon

obstacula a civilibus et aliquando quoque a religiosis auctoritatibus

interposita.

Die 27 mensis Novembris anno 1835 Episcopus Eporediensis novum

approbavit Institutum, appellatum « Sororum a Caritate sub titulo Immacu-

latae Conceptionis Beatae Virginis Mariae ». Progrediens in humilitate et in

suiipsius deditione, die 25 mensis Decembris anno 1838 in oppido Rivarolo

Antonia Maria suam consummavit terrestrem exsistentiam.

Ad Beatificationem parandam, Postulatio Causae iudicio huius Congre-

gationis de Causis Sanctorum coniectam exhibuit miram sanationem Sororis

Mariae Caietanae (Iosephinae) Corbella, Constantinopoli natae die 20 mensis

Aprilis anno 1877.

Soror haec, sodalis Instituti Sororum a Caritate Immaculatae Conceptio-

nis, in oppido Eporedia, sana cum sit et valida physica constitutione, die

26 mensis Octobris anno 1947 aegrotare coepit, ostendens variationem tem-

peraturae corporis et irritantem tussim. Quamvis therapia adhibita esset,

conspectus eius clinicus in peius ruebat ita ut summam febrim revelaret et