Congregatio de Causis Sanctorum 121

in provincia, olim in Abulensi dioecesi. Ratio studiorum ad assequendum sacerdotium ab eo iuxta seminarium dioecesanum evasa est, de doctrina et pietate bono cum exitu. Die 24 mensis Septembris anno 1910 sacerdos ordinatus est. Suo ministerio variis in ecclesiis functus est et deinde anno 1926 pagi v. d. Cebreros parochus nominatus. Eius actio vehemens fuit prae- cipue in pauperes et in infirmos; altissima spiritualitate praeditus, virtute exemplaris vitae testimonium fuit. Etiam Servus Dei in persecutione contra christianos versatus est. Die 22 mensis Iulii anno 1936 milites rei publicae Hispaniae primum Servum Dei in vinculis deprehendere conati sunt, sed vivis querelis et recusationibus hominum illius loci ille rursus dimissus est. Vespere autem diei 24 mensis Iulii, milites eiusdem factionis rei publicae sed aliunde provenientes parochi domum oppugnaverunt, domimum Iose- phum acceperunt, in plateam duxerunt et in autocinetum onerarium con- scendere coactus est. Postea, extra agrum illius pagi Servum Dei e vehiculo demiserunt et plumbo interfecerunt. Secundum testes ille haec extrema verba emisit: « Viva Cristo Rey! ».

2. Servus Dei Augustinus Bermejo Miranda, presbyter, die 10 mensis Aprilis anno 1904 in pago v. d. Puerto Castilla Abulae proximo natus est, anno 1926 ordinatus, ministerium suum ut militum cappellanus et iuxta aliquas paroecias exercuit. Humilis simplex, sedulus in apostolatu, et mag- nanimus in caritate semper fuit. Dum parochus pagi dicti Hoyo de Pinares erat, die 28 mensis Augusti, ad martyrium perductus est.

3. Servus Dei Damianus Gómez Jiménez, presbyter, die 12 mensis Fe- bruarii anno 1871 in pago dicto Solana de Rioalmar iuxta Abulam natus est et anno 1895 ordinatus. A fidelibus valde dilectus, ministerium multis in paroecis dioecesis exercuit. Sacerdos fuit magnae spiritualitatis et se- dulissimus suo in ministerio. Die 19 mensis Augusti iuxta pagum dictum Mombeltrán occisus est.

4. Servus Dei Ioannes Mesonero Huerta, presbyter, natus est die 12 mensis Septembris anno 1913 in pago dicto Ragama iuxta Salmanticam, olim in dioecesi Abulensi et ordinatus anno 1936. Exemplar virtutum, nominatus est parochus dispensator pagi dicti El Hornillo, ubi die 15 mensis Augusti non amplius quam mense praeterito ab ordinatione, occisus est.

5. Servus Dei Iosephus García Librán, presbyter, natus est die 18 mensis

Augusti anno 1909 in pago dicto Herreruela de Oropesa iuxta Toletum olim

in dioecesi Abulensi. Anno 1933 sacerdos ordinatus est et ministerium suum

in aliquibus paroecis exercuit. Fuit sacerdos animi vehementer probi, prae-