Congregatio de Causis Sanctorum 377

ministerio cessare coacti sunt. Immo vero mense Decembri anno 1941 ali-

quot eorum, inter quos Pater Vergara, missi sunt in Indica castra in quibus

captivi contrahebantur. Quattuor circiter post annis Servus Dei dimissus est

ac in missionem suam rediit. Graviter corpore debilitatus, iam timebat ne

in patriam remitteretur. At vero, postulatus ut alteram missionem in urbe

Shadaw coleret, negotium libentissime suscepit.

Illis temporibus Pater Vergara Servum Dei Isidorum Ngei Ko Lat cog-

novit. Hic natus erat anno 1918 in agricolarum familia iam ad doctrinam

catholicam conversa. Cum optaret fieri sacerdos, in Seminarium Minorem in

urbe Tungoo ingressus est, sed quod asthmate graviter afficiebatur, cursum

formationis interrumpere coactus est. Iam inde, regressus domum, cum ca-

thechista sui pagi operam sociavit ad evangelium praedicandum. Privatam

scholam gratuitam aperuit ut pueros acciperet eosque catechismum, musi-

cam et linguas Birmanam ac Britannicam doceret. Anno 1948 Servus Dei

Marius Vergara eum elegit catechistam suum incolis accolisque urbis Shadaw.

Interea in Birmania, quae anno 1948 libertatem a Britannia obtinue-

rat, bellum intestinum exarsit atque res in extremum discrimen incidit.

Restitutio in libertatem nationum Asiae et Africae saepius non sine bellis

atque seditionibus evenit. In Birmania quoque, post libertatem restitutam,

praesertim quibusdam certis tempestatibus, spectati sunt terrifici casus

caedium sacerdotum ac religiosorum, spectataque plura delicta apparata

vel obvia, spectatumque progrediens incrementum eventuum persecutionis.

Condicio igitur Patris Vergara magis magisque precaria facta est, prae-

sertim propter miram operam eius ad humanitatem promovendam ac refo-

vendam, nec non ad evangelium praedicandum. In tanta rei publicae eversio-

ne tantoque armorum furore, die 24 mensis Maii anno 1950, Servus Dei cum

catechista Isidoro Ngei Ko Lat, in urbem Shadaw se contulit patrocinatum

causam aliquot indigenarum catechistarum, qui immerito vexabantur. Contra

pactum et conventum nacti sunt quosdam militiae rebellis primores, qui

odio fidei eos, manibus colligatis, post longinquum onerosumque nocturnum

iter per silvas, postero die, prima luce, in ripa fluminis Salween sclopeti

ictibus interfecerunt. Eorum corpora, sacco clausa et in flumen deiecta,

nondum inventa sunt.

Haec una causa caedis Servorum Dei fuit, quod et christiani et fidei

praedicatores erant. Ipsi, penitus consci de periculis quae ab odio fidei

persecutorum consequebantur, attamen, se plene voluntati Dei tradentes,