Acta Francisci Pp. 369

non vult momenta maximae laetitiae respuere,145 sed iisdem una cum aliis

momentis studiosae oblationis, patientis spei, inevitabilis fatigationis, cona-

tus cuiusdam perfecti propositi devinctis frui cupit. Vita in familia totum

hoc est et illa meretur ut integre exigatur.

149. Quaedam opinationes spiritales nostrae aetatis desiderium conantur

eicere ut a dolore liberentur. Sed nos credimus Deum amare laetitiam ho-

minis, Eum omnia creavisse « abunde ad fruendum » ( 1Tim 6, 17). Sinamus

laetitiam scatere coram eius indulgentia cum nobis proponit: « Fili, si habes,

benefac tecum [...]. Non defrauderis a bono diei » ( Eccli 14, 11.14). Etiam

coniuges voluntati Dei respondent hanc sequentes biblicam invitationem: « In

die bona fruere bonis » ( Eccle 7, 14). Libertas oportet habeatur ut voluptas

alias significationis formas inveniat variis in vitae circumstantiis, secundum

necessitatem mutui amoris. Hac sententia, propositum accipi potest quorun-

dam magistrorum Orientalium qui in conscientia amplificanda insistunt, ne

maneamus in eventu quodam perquam definito qui nobis prospectus demat.

Eiusmodi conscientiae amplificatio non est negatio vel destructio desiderii,

sed eius dilatatio eiusque ad perfectionem progressio.

Indoles erotica amoris

150. Haec omnia nos ducunt ad loquendum de vita sexuali coniugum.

Deus ipse sexualitatem creavit, donum mirificum suis pro creaturis. Cum

ea colitur et vitatur ne moderatione careat, impeditur ne « deminutio boni

authentici » accidat.146 Sanctus Ioannes Paulus II sententiam recusavit de

doctrina Ecclesiae quae perduceret ad « negationem boni sexus humani »

vel solummodo « ob necessitatem ipsam procreationis » eundem toleraret.147

Desiderium sexuale coniugum non est obiectum contemptionis et « nullo

modo haec necessitas vocatur in dubium ».148

151. Illis qui timent ne passionum et sexualitatis institutio amoris sexualis

genuinam naturam aversetur, sanctus Ioannes Paulus II respondebat homi-

nem « ad plenam maturamque liberam voluntatem ligaminum vocari » quae

« progrediens est fructus discretionis impulsum cordis moventis ».149 Hoc ex

145 Cfr ibid., II-II, q. 153, a. 2, ad 2: « Abundantia delectationis quae est in actu venereo secundum rationem ordinato, non contrariatur medio virtutis ».

146 ioannES pauluS ii, Catechesis (22 Octobris 1980), 5: Insegnamenti III, 2 (1980), 951. 147 Ibid., 3. 148 id., Catechesis (24 Septembris 1980), 4: Insegnamenti III, 2 (1980), 719. 149 Catechesis (12 Novembris 1980), 2: Insegnamenti III, 2 (1980), 1133.