Congregatio de Causis Sanctorum 1017

quam vero aegrotus, cuius salus vero novis quoque morbis exceptis inter-

dum vexata erat, Matris Mariae Elisabethae imaguncula parvaque expetita

reliquia, propinquis et aliis una in oratione consociatis, summo fervore et

perseverantia imploravit. Et reapse examina consecuto mense Iunii anno

1992 patrata adeo tumoris signorum mutationumque cellularum ossium

aversionem ostenderunt plenam, ut die 6 mensis Iulii, valetudine aegroti

perpensa omnino refecta, e valetudinario dimitteretur. Omnes etiam in-

sequentes recognitiones nullum damnum vel aliud pristinae infirmitatis

vestigium superesse confirmaverunt.

Continuatio temporis clarissime patuit, sicut et nexus inter invocationem

Venerabilis Servae Dei et aegroti sanationem, qui exinde optima gavisus

est valetudine normalesque vitae consuetudines gerit.

De hac mira habita sanatione apud Curiam Archiepiscopalem Sancti

Germani a die 20 mensis Maii anno 2003 ad diem 20 mensis Februarii anno

2004 Inquisitio dioecesana celebrata est, cuius auctoritas et vis iuridica a

Congregatane de Causis Sanctorum Decreto diei 17 mensis Februarii anno

2006 probatae sunt. Acta dein collecta examini et iudicio Dicasteri Medi-

corum Collegium subiecta sunt, quod in Sessione diei 28 mensis Novembris

anno 2013 sanationem rapidam, completam et duraturam, necnon inexpli-

cabilem secundum hodiernam scientiam medicam fuisse affirmavit. Die 15

mensis Maii anno 2014, Congressus Peculiaris Consultorum Theologorum

prospero cum exitu factus est ac, insequenti die 16 mensis Septembris

eiusdem anni, Sessio Ordinaria Patrum Cardinalium et Episcoporum, cui

egomet ipse Angelus Cardinalis Amato praefui, et in utroque coetu sive

Consultorum sive Cardinalium et Episcoporum, posito dubio an de miraculo

divinitus patrato constaret, responsum affirmativum prolatum est.

Facta demum de hisce omnibus rebus Summo Pontifici Francisco

per subscriptum Cardinalem Praefectum accurata relatione, Sanctitas

Sua vota Congregationis de Causis Sanctorum excipiens rataque ha-

bens, hodierno die declaravit: Constare de miraculo a Deo patrato per

intercessionem Venerabilis Servae Dei Mariae Elisabethae Turgeon (in

saeculo: Virginiae de Brincat), Fundatricis Congregationis Sororum Do-

minae Nostrae Sancti Rosarii, videlicet de celeri, perfecta ac constanti

sanatione infirmi cuiusdam a « neuroblastoma metastatico a livello osseo,

complicato da pancitopenia » .