57. De s. Iohanne Clusoniensi.

In 1. Vesperis.
Ad Magnificat.
A. Gaude, Sion,

ornata tympano,
Plaude novo

perfusa balsamo,
Ipsum lauda

chordis et organo,
Cuius sponsa
venit a Libano.

A d Matutinum.
Invitatorium.
Ad regem vitae

digna cum laude venite,
Qui palmam regni

tribuit supra aethra Io-
hanni.

In 1. Nocturno.
Antiphonae.

1. Beatus vir, qui non abiit
in malorum consilio,
Sed in lege Dei coluit
illius meditatio.
2. Quare fremunt populi
vana meditantes?
Exaltabit Dominus
in ipso sperantes.
3. Cum invocat, exauditur
Iohannes a Domino,
Et in pace in id ipsum
regnat sine termino.
i. Verba sancti percipit
clamorem intellegens,
De mundi miseria

pauperem hunc erigens.
5. Domine, Domine,
quam admirabilis
Es in hoc praesule
atque laudabilis I

6. Confidens in Domino

transmigrat in montem
Et venire meruit
ad salutis fontem.

Responsoria.

1. Ecce, verus et sincerus
Vir Israelita,
Sine fraude dignus laude

Fulgens eremita,
Christo carus, signis clarus
Verbo, mente, vita;
V. Inter mundi strepitum
Stat pastor insignis,
Sed in igne positum
Non exurit ignis.
2. Exspectante populo
sacram unctionem
Matrona cum filio

benedictionem
Exspectat pontificis,

sed mox laesionem
Mortis subit parvulus
per oppressionem;
V. Clamat mater misera,
currit vir beatus,
Fusa prece parvulus
mox est vitae datus.
3. Fragrat virtus arboris,
manat vis unguenti,
Laudibus attollitur,

fit res nota genti,
Sed aurem non adplicat

famae discurrenti
Nec fidem adhibuit
vana promittenti.
V. Petit sanctus eremum
spreta mundi gloria
Et relicto pallio
fugit ab Aegyptia.
4. O praesul, Italiae
decus speciale,
Quem ornat iustitiae
superhumerale,

Quem caro non allicit

vel solum natale,
Nobis, pater, impetra

regnum aeternale.
V. O intactae fili matris,

miserere miseris
Atque prece sancti patris

nos coniunge superis.

In 2. Nocturno.
Antiphonae.

1. Domine, qui habitas
in monte salutis,
Nos per sancti merita
fac heredes lucis.
2. In virtute, Domine,
tua gloriatur
Sanctus, cuius hodie
festum celebratur.
3. Tua est o, Domine,
terrae plenitudo,
Cuius archipraesulis
fulget sanctitudo.
4. Benedicam Domino
tempore perenni,
Qui caeleste bravium
contulit Iohanni.
5. Te decet in Sion

hymnus, o Domine,
Qui sanctum collocas
in caeli culmine.
6. Confiteri bonum est
tibi, iesu bone,
Qui ornasti praesulem
corona gloriae.

Responsoria.

1. Sunamiti puerum

reddit Elisaeus,
Sycomori culmina

ascendit Zachaeus,
Relicto teloneo

praedicat Matthaeus,
Hoc in sancto praesule

repraesentat Deus;

V. Matri reddit pueram,

eremum conscendit,
Spretis lucris saeculi

ad superna tendit.
2. Dum membra lectulo

daret post laborem,
Immisit in eum

Dominus soporem,
Astat angelus

indutus decorem,
Ut cellam construat,

monet confessorem;
V. Pellitur dubietas

trina visione,
Et iussis obtemperat

cum devotione.
3. Invictum aggreditur

opus eremita,
Sed obstat archangelus,

ne res fiat ita,
Nam nocturno tempore

ligna levigata
In montem oppositum

nocte sunt translata;
V. Admiranti Dominus

columbas transmisit,
Quas sequens mox repperit

opus, quod amisit.
4. Felix locus,

felix ecclesia,
In qua sancti

viget memoria,
Felix terra,

quae dedit praesulem,
Felix illa,

quae fovet exsulem,
V. Felix, pater,

succurre miseris,
Ut felices

iungamur superis.

In 3. Nocturno.
Ad Cantica.

A. O lampas ecclesiae,
Speculum virtutis,

Astanti familiae
Fer opem salutis,

De lacu miseriae
Et de luto faecis

Nos educ sanctissimae
Interventu precis.

Responsoria.

1. In vicino positus

pontifex cum clero,
Ut sacraret cellulam,

ecce, facto sero
Ardere conspicitur

mons Pirchirrianus,
Fit clamor in populis,
sursum levant manus;
V. Facto mane pontifex
montem petit altum
Et invenit caelitus
locum consecratum.
2. Admiratur populus
ruens in clamorem,
Novum cernens fluere

olei liquorem,
Madent linteamina,

sudat pavimentum,
Salubre languentibus
dans medicamentum;
V. Qui fontem in eremo
de petra produxit,
Hic in montis vertice
oleum eduxit.
3. De cisternae latebris
Ioseph est sublatus
Et in regni solio

nunc est sublimatus,
Finitur feliciter
eius incolatus,
Nostros prece sedula
diluat reatus;
V. Cursu felicissimae
vitae consummato
In sinu recipitur
Abrahae beato.
4. O oliva semper viva,
Dulcis et fructifera,

O lux clara, Christo cara,

Fulgens super aethera,
Nobis fessis et oppressis

Per peccati pondera
Esto, comes, dux et comes

In hac valle misera;
V. Iam cum Christo gloriaris

fracta domo testea,
Tuos non obliviscaris

pressos mole carnea.

In Laudibus.

Antiphonae.
1. Ampullae medium
vino vix replente
Potavit plurimos
liquore crescente.

2. O felix pontifex,
per cuius merita
Defuncto corpori
est vita reddita.

3. Blasphema mulier
amittit loquelam,
Sed sanctum invocat
mox sentit medelam.

4. Christum benedicite,
terra, mare, caeli,
Qui dedit victoriam
praesuli fideli.

5. Laudemus Dominum,
qui palmam gloriae
Beato praesuli
contulit hodie.

Ad Benedictus.

A. Benedictus Dominus,

Deus Israelis,
Qui pro vita saeculi

descendit de caelis,
Cui offertur hodie

sacerdos fidelis
In manu signiferi

sui Michaelis.

In 2. Vesperis.

Ad Magnificat

A. Magnificet Dominum
omnis creatura,

Quem eductum hodie
de carnis pressura

Vir beatus conspicit
iam non in figura,

Sed eius perfruitur
visione pura.