QUAESTIO VI.

Utrum in Circumcisione ex vi ejus collata fuerit gratia ?

Alens. 4. p. q. 7. m. 7. per totum. D. Bonav. hic 2. p. art. 2. q. 3. Richard. ori. 6. q. 1. Gabr. q. 4. Rubion. q. 5. Mayron. 9. 2. Major. q. 5. Durand. O. 5. D. Thom. 3. p. q. 70. a. 4. Suarez tom. 3. p. 3. d. 5. sect. 1. Vasquez 3. p. d. 165. Vide Scot. de primo princ, c. 3. in Theorem, g. non potest probari.

Haec est (a) pars incidentalis hujus distinctionis, in qua Magister determinat de Circumcisione, circa quam quaeritur : Utrum in Circumcisione ex vi ejus conferebatur gratia? Quod non, probatur. Rom. 4. Signaculum accepit Circumcisionis. Glossa : Peccata ibi solum dimittebantur, sed gratia ad bene operandum adjutrix non praestabatur.

Item, Augustinus in Psalm. Ut quid Deus repulisti in finem, illa, in quit, de Sacramentis veteris legis tantum promittebant et signabant; haec autem dant salutem, scilicet Sacramenta novae legis.

Item, Circumcisio non aperiebat januam, sicut vult Beda super illud Luc. 2. Postquam consummati sunt dies octo ; habenti gratiam patet janua regni, quia ejus est haeres, secundum Augustinum de Trinit. lib. 15. cap. 19. Ipsa dividit inter filios regni et perditionis.

Item, per rationem sic : Sacramentum non causat nisi quod signat; Circumcisio tantum signat ablationem, et non aliquid positivum, quia non est ibi nisi ablatio partis a toto: ergo, etc.

Contra Augustinus lib. 2. de Nupt. et concup. et ponitur de Consecr. dist.

4. Ex quo instituta est Circumcisio in . populo Dei, ad purgationem hujus peccati veteris, valebat magnis et parvis, sicut Baptismus valere coepit ex quo institutus est: hoc non esset, nisi ibi conferretur gratia ; ergo, etc.

Item, Beda super illud Lucae 2 : Postquam consummati sunt dies octo. "Idem salutiferoe curationis auxilium Circumcisio in lege agebat, quod Baptismus tempore gratioe agere consuevit. "