Acta Apostolicae S^a^ß^r Commentarium Officiale

ut ad eam deveniremus humiliter supplicant. Nos yero, rei gravitatem

prae oculis habentes, orationibus adhuc instandum esse censuimus, quo

benignissimus Deus lucem suae claritatis super mentem Nostram effun-

dere dignaretur. *

Curavimus deinde ut, datis litteris, non modo viciniores venerabiles

Fratres Sacrorum Antistites, sed etiam remotissimi de fausto eventu

certiores fierent, ut Romam se conferre possent, Nobis sententia sua

adfuturi. Qui cum plurimi convenissent, causa plene cognita ex docu-

mentis S. Rituum Congregationis, quorum exemplar singulis tradi ius-

simus, in semipublico, quod dicitur, Consistorio, habito die decima se-

ptima Aprilis mensis hoc ipso anno, sententiam protulere suam, non

modo venerabiles Fratres Nostri S. R. E. Cardinales, sed etiam Pa-

triarchae, Primates, Archiepiscopi, Episcopi, qui ad hanc Canonizatio-

nem perficiendam unanimi consensu Nos cohortati sunt. Exceptis igitur

adstantium suffragiis, ex quibus clare patebat omnes Nobiscum hac de

re consentire, Nobis et illis admodum id gratulati sumus. Porro sol-

lemnia huius Canonizationis celebrare statuimus in Vaticanae Basilicae

maiestate. Deo propitio, vertente anno, die mensis Maii quinta decima,

in festo Ascensionis D. N. I. C. De quibus ut instrumenta conficerent,

consistorialis aulae Advocatis rogantibus, dilectis Filiis qui aderant

Protonotariis Apostolicis mandavimus.

Interea vero venerabiles omnes Fratres adstantes et universos catho-

lici orbis fideles hortati sumus ut Nostris precibus suas coniungere ipsi

vellent, ut quae iam tunc praestolabamur, fausta ac salutaria catholico

nomini evenirent.

Statuta igitur faustissima die, omnes tam saecularis quam regularis

Cleri Ordines, plurimi Curiae Romanae Praesules et Officiales, Venera-

biles Fratres Nostri Cardinales, Patriarchae, Archiepiscopi, Episcopi

convenerunt. Quibus praeeuntibus solemni supplicatione, Nos Vatica-

nam Basilicam magnificentissime ornatam, innumeris lychnis respon-

dentem et christifidelium maxima stipatam frequentia, quos inter quam

plurimi ex nobili Helvetiorum natione, ingressi sumus statimque ad

Cathedram Nostram perreximus ibique sedimus. Tunc Venerabilis Fra-

ter Noster S. R. E. Cardinalis Carolus Salotti, S. Congregationis Ri-

tuum Praefectus et huic Canonizationi praepositus, per dilectum Filium

Aloisium Re, consistorialis aulae Advocatum, instantissime a Nobis ex-

postulavit ut Beatus Nicolaus de Flüe, Confessor, in Sanctorum album

per inerrans oraculum Nostrum describeretur. Nos vero ad hoc pervenire

noluimus, nisi prius ab omnibus adstantibus supplices Deo preces ad-

moveantur ut a Sancto Divino Spiritu supernae lucis copia Nostrae