Acta Apostolicae Sedis - Commentarium Officiale404

Vita Exc.mi D.ni Aurelii Bacciarini, quae efficaciter his austeris verbis

summatim perstringitur, perfusa est desiderio specifica fide et operibus amo-

rem Dei erga eius creaturas testificandi. Fides fuit gubernaculum quod duxit

navigationem eius exsistentiae et comitata est eum in annis arduis eius in-

fantiae, in fervore adulescentiae, in profunda meditatione tempore formatio-

nis in Seminario, in fecundo opere pastorali quod exercuit uti parochus et uti

religiosus Guanellianus, in laborioso episcopali ministerio. Cursum sequens

« in tacitis praeparationibus » ad varios tractus itineris sui, Aurelius plena

conscientia vitam iugiter gessit sub lumine Verbi Iesu: «Non vos elegistis

me, sed ego elegi vos » (Io 15, 16).

Servus Dei natus est in oppido vulgo Lavertezzo, ex pago Ticino in Helve-

tia, die 8 mensis Novembris anno 1873, septimus inter filios ex admodum

modesta familia. Insequenti die baptismum accepit; aetatis annos septem

agens sacro chrismate est confirmatus. Inde a pueritia vividum ingenium

et affabilem indolem ostendit; in hoc naturale fundamentum inseretur actio

gratiae, constanti participatione orationis suffulta in familia et in paroecia.

Hoc in contextu versans, persensit vocationem ad sacerdotium, quae ipsa

ordinatione anno 1897 Lugani habita fastigium attigit.

Primum apostolatus opus dominus Bacciarini explicavit in paroecia loci

v. Arzo et postea munus exercuit educatoris et magistri in Seminariis Lugani

et Pollegii, ubi dominus Aurelius fulgidum fidei testimonium tradidit.

« Caritas Christi urget nos » (2 Cor 5, 14): haec sententia Apostoli Pauli in

corde huius iuvenis presbyteri fervebat, eius optiones excitabat et opera

ducebat. Desiderio compulsus maiorem perfectionem perquirendi, anno

1906 ab Episcopo licentiam petivit ad nascentem Congregationem Servorum

a Caritate Beati Aloisii Guanella sese aggregandi, in qua die 24 mensis Martii

anno 1908 religiosam emisit profesionem.

Domino Aurelio formidabilis reservabatur experientia: etenim primus no-

minatus est parochus incipientis communitatis Sancti Ioseph ad Viam

Triumphalem, in Romae suburbiis. Ad hoc munus exsequendum dominus

Guanella Summo Pontifici Sancto Pio X eximium prae omnibus commisit

presbyterum suae Congregationis. Dominus Bacciarini incohavit suum minis-

terium paroeciale ac brevi tempore illam humanam turbam, informem et

instabilem, mutavit in seminationem valorum, recte matrimonia constituen-

do, sacramenta initiationis christianae dispensando, paroeciam novo ordine

sub prophetico et praecursore intuitu disponendo.