Acta Apostolicae Sedis - Commentarium Officiale740

Eph 1, 10). Propter misericordis Dei condonationem, quae in Iesu caro facta

est, peccator surgit ».217 « Per verbum Dei enim fidelis illuminatur ad peccata

sua dignoscenda, ad conversionem vocatur et ad fiduciam in Dei misericor-

dia ».218 Quo vis reconciliatrix Verbi Dei altius inspiciatur, suadetur ut singuli

paenitentes se praeparent ad confitenda peccata meditantes opportunum

locum sacrae Scripturae et confessionem ordiri possint legendo vel audiendo

quandam admonitionem biblicam, prout in proprio ritu praevisum est.

Manifestans autem suam contritionem expedit ut paenitens adhibeat « ora-

tionem ex verbis sacrae Scripturae compositam »,219 propositam in ritu. Cum

fieri potest, iuvat ut in peculiaribus anni temporibus vel cum detur opportu-

nitas, confessio individualis plurimorum paenitentium fiat intra celebrationes

paenitentiales, uti prostant in rituali, dummodo diversarum liturgicarum

traditionum reverentia habeatur, quo per usum congruentium lectionum

celebrationi Verbi maius spatium dari possit.

Etiam quod attinet ad sacramentum Unctionis infirmorum, meminisse

iuvat ut «Virtus medendi, quae divino Verbo intime adhaeret, vivaciter

compellat in perpetuam auditoris conversionem ».220 Sacra Scriptura innume-

ras continet paginas consolationis, sustentationis et sanationis quae per Dei

virtutem sint patratae. Praesertim memoretur oportet Iesum proximum fuis-

se patientibus, et Ipsum, Verbum Dei incarnatum, dolores nostros tulisse

atque pro hominis amore passum esse, ita aegrotationi et morti sensum tri-

buendo. Oportet quidem in paroeciis ac potissimum in valetudinariis, secun-

dum rerum adiuncta, Sacramentum infirmorum modo communitario celebre-

tur. His in occasionibus amplum detur spatium celebrationi Verbi necnon

fideles infirmi adiuventur ad suam doloris condicionem fideliter vivendam,

in unione cum sacrificio redemptivo Christi qui nos liberat a malo.

Verbum Dei et Liturgia Horarum

62. Inter orationis formas quae sacram Scripturam exaltant absque du-

bio suum locum obtinet Liturgia Horarum. Patres synodales affirmaverunt

quod ipsa « species est privilegiaria divini Verbi audiendi, nam efficit, ut

fideles pertingant sacram Scripturam et vivam Traditionem Ecclesiae ».221

217 Propositio 8. 218 Ritus Paenitentiae, 17. 219 Ibid., 19. 220 Propositio 8. 221 Propositio 19.