1014 Acta Apostolicæ Sedis - Commentarium Officiale

expiata est. A viro, cui Gaudí cognomen, anno 1926 in viduitate relicta,

a secundis nuptiis se abstinuit. Quae Barcinone die 23 mensis Iulii, anno

1936, una cum supra memoratis Sanctimonialibus IX Minimis interfecta est.

Quamobrem, cum invaluisset sive in Ordine Minimorum sive in popu-

lo fama Martyrii ipsaeque tamquam Christi Martyres in odium fidei per-

emptae haberi coeptae fuissent ac recoli, Barcinonensi in Archiepiscopali

Curia, a die 14 mensis Aprilis ad diem 26 mensis Novembris, anno 1997,

Dioecesana Inquisitio peracta est; quam quidem haec ipsa Congregatio de

Causis Sanctorum, edito Decreto die 5 mensis Iunii, anno 1998, legitime

probavit. Praeparata igitur Positione, Peculiaris Theologorum Consultorum

Congressus, die 16 mensis Aprilis, anno 2010, prospere habitus est. Denique

in Sessione Ordinaria, quae proxime elapso die 11 mensis Decembris acta

est, cui praefui ego Angelus Cardinalis Amato, omnes, qui adfuere, tum

Patres Cardinales tum Sacrorum Antistites Causis Sanctorum tractandis,

ipsas Dei Ancillas propter fidelitatem erga Christum et Ecclesiam inter-

fectas esse affirmarunt.

De hisce omnibus rebus, referente subscripto Cardinali Praefecto, cer-

tior factus, Summus Pontifex Benedictus XVI, vota Congregationis de Causis

Sanctorum excipiens rataque habens, hodierno die declaravit: Constare de

Martyrio eiusque causa Servarum Dei Mariae a Monte Serrato (in saeculo: Io-

sephae García y Solanas) et VIII Sociarum, Sororum professarum Instituti Mi-

nimarum Discalceatarum Sancti Francisci de Paula, necnon Lucretiae García

Solanas, Christifidelis Laicae, in casu et ad effectum de quo agitur.

Hoc autem decretum publici iuris fieri et in acta Congregationis de Causis

Sanctorum Summus Pontifex referri mandavit.

Datum Romae, die 20 mensis Decembris a.D. 2012.

Angelus Card. AmAto, s.D.B. Praefectus

L. G S.

G mArcellus BArtolucci Archiep. tit. Mevaniensis, a Secreti