122 Acta Apostolicæ Sedis - Commentarium Officiale

cipue in cura animarum infirmorum et pauperum eminuit, die 14 mensis

Augusti in pago Gavilanes ubi parochus erat, trucidatus est.

Isti, qui fidei testimonium in diversis casibus perhibuerunt, comprehensi

sunt, calumnias, contumelias, verbera passi sunt. Isti etiam maxime scie-

bant fidem suam et statum vitae sacerdotalis causam capitis poenae esse

illo tempore. Amor in Christum et fides in Ecclesiam etiam in adversis

et angustiis in eis numquam defuit. Coacti sunt confligere cum violentia

doctrinae omnino inhumanae, scientes se Christum comitari crucis in via,

ante carnifices magnitudinem animi et fidens obsequium Dei voluntatis

ostenderunt. Qua re sine causa publica trucidati sunt propter fidem suam

et in Ecclesia ministerium.

Fama martyrii quinque Servorum Dei in Ecclesia diffundebatur, qua re ab

anno 1958 ad annum 1963 iuxta Curiam dioecesanam Abulensem Processus

Ordinarius celebratus est, cui successit ab anno 1962 ad annum 1963 Processus

super non cultu, quorum iuridica validitas ab hac Congregatione de Causis

Sanctorum per Decretum diei 10 mensis Septembris anno 1999 est approbata.

Exarata Positione, die 4 mensis Decembris anno 2010 Congressus Peculiaris

Consultorum Theologorum habitus est, positivo cum exitu. Patres Cardinales

et Episcopi in Sessione Ordinaria congregati die 5 mensis Februarii anno 2013,

me Angelo Cardinale Amato praesidente, agnoverunt supradictos Servos Dei

propter fidem in Christum et in Ecclesiam interfectos esse.

De hisce omnibus rebus, referente subscripto Cardinale Praefecto, cer-

tior factus, Summus Pontifex Franciscus, vota Congregationis de Causis

Sanctorum excipiens rataque habens, hodierno die declaravit: Constare de

martyrio eiusque causa Servorum Dei Iosephi Maximi Moro Briz, Augustini

Bermejo Miranda, Damiani Gómez Jiménez, Ioannis Mesonero Huerta et

Iosephi García Librán, Sacerdotum Dioecesanorum in casu et ad effectum

de quo agitur.

Hoc autem decretum publici iuris fieri et in acta Congregationis de

Causis Sanctorum Summus Pontifex referri mandavit.

Datum Romae, die 27 mensis Martii a.D. 2013.

anGeluS card. amato, S.d.B. Praefectus

L. G S.

G marcelluS Bartolucci Archiep. tit. Mevaniensis, a Secretis