378 Acta Apostolicae Sedis - Commentarium Officiale

sacrum ministerium continenter exercuerunt nec umquam desierunt evan-

gelium docere et humanitatem promovere; atque usque ad ultimum veri et

meri testes fidei fuerunt.

Fama eorum martyrii percrebuit per universam Ecclesiam, quapropter a

die 2 mensis Novembris anno 2003 ad diem 10 mensis Februarii anno 2004

celebrata est Inquisitio dioecesana apud Curiam ecclesiasticam urbis Loikaw

in Myanmar et altera Inquisitio facta est in urbe Aversa a die 4 mensis

Octobris anno 2003 ad diem 10 mensis Februarii anno 2004: quarum auc-

toritas probata est ab hac Congregatione Decreto diei 12 mensis Novembris

anno 2004. Parata Positione, die 4 mensis Decembris anno 2008 celebratus

est Congressus Peculiaris Consultorum Theologorum, cui secutus est alter

Congressus die 11 mensis Iulii anno 2013. Patres Cardinales et Episcopi in

Sessione Ordinaria diei 3 mensis Decembris anno 2013, me Angelo Card.

Amato praesidente, consenserunt suprafatos Servos Dei interfectos esse

propter fidem Christo et Ecclesiae.

De hisce omnibus rebus, referente subscripto Cardinale Praefecto, cer-

tior factus, Summus Pontifex Franciscus, vota Congregationis de Causis

Sanctorum excipiens rataque habens, hodierno die declaravit: Constare de

martyrio eiusque causa Servorum Dei Marii Vergara, Sacerdotis Pontificii

Instituti pro Missionibus Exteris, et Isidori Ngei Ko Lat, Cristifidelis Laici

et Catechistae, in casu et ad effectum de quo agitur.

Hoc autem decretum publici iuris fieri et in acta Congregationis de

Causis Sanctorum Summus Pontifex re ferri mandavit.

Datum Romae, die 9 mensis Decembris a.D. 2013.

angelus card. amato, s.D.B. Praefectus

L. G S.

G marcellus Bartolucci

Archiep. tit. Mevaniensis, a Secretis