Congregatio de Causis Sanctorum 221

rent. Effectus vero omnes negativi evaserunt, etiam quoad membra quae vulgo

seu comperto in huiusmodi morbi adiunctis mutationes glandularum in lateri-

bus cervicis gignunt. Nexus inter invocationem Servi Dei et sanationem Mariae

Kattan clarissime patuit, quae etiamnum optima utitur valetudine et ordina-

riam vitam degit quod ad omnes attinet humanas relationes.

De hac mira aestimata sanatione inter dies 17 mensis Februarii et 8 mensis

Novembris anno 2005 apud Curiam Beritensem Inquisitio dioecesana celebrata

est, cuius auctoritas et vis iuridica a Congregatione de Causis Sanctorum de-

creto diei 10 mensis Februarii anno 2006 probatae sunt. Dicasterii Collegium

Medicorum in sessione diei 22 mensis Martii anno 2007 sanationem illius tumo-

ris mali rapidam, completam, duraturam et inexplicabilem secundum scientiam

medicam hodiernam fuisse affirmavit. Die 1 mensis Iunii anno 2007 Congressus

Peculiaris Consultorum Theologorum factus est et die 2 mensis Octobris eius-

dem anni Sessio Ordinaria Patrum Cardinalium et Episcoporum, Ponente

Causae Excellentissimo Domino Laurentio Chiarinelli, Episcopo Viterbiensi,

et in utroque Coetu, sive Consultorum sive Cardinalium et Episcoporum

posito dubio an de miraculo divinitus patrato constaret, responsum affirma-

tivum prolatum est.

Facta demum de hisce omnibus rebus Summo Pontifici Benedicto XVI per

subscriptum Cardinalem Praefectum accurata relatione, Sanctitas Sua vota

Congregationis de Causis Sanctorum excipiens rataque habens, hodierno die

declaravit: Constare de miraculo a Deo patrato per intercessionem Ven. Servi

Dei Iacobi a Ghazir (in saec.: Khalil Haddad), Sacerdotis professi O.F.M. Cap.,

Fundatoris Congregationis Sororum Franciscalium Crucis in Libano, videlicet de

celeri, perfecta ac constanti sanatione dominae Mariae Kattan a « neoplasia prima-

ria occulta (NPO) con metastasi sopraclaveare destra di carcinoma epidermodiale,

scarsamente differenziato, ad elevata attività mitotica ».

Hoc autem decretum publici iuris fieri et in acta Congregationis de

Causis Sanctorum Summus Pontifex referri mandavit.

Datum Romae, die 17 mensis Decembris A. D. 2007.

Iosephus card. Saraiva Martins

Praefectus

L. e S. e Michaël Di Ruberto

archiep. tit. Biccarensis, a Secretis