Congregatio de Causis Sanctorum 661

GIENNEN.

Beatificationis et Canonizationis Ven. Servi Dei Emmanuelis Lozano Garrido,

Christifidelis Laici (1920-1971)

DECRETUM SUPER MIRACULO

Venerabilis Servus Dei Emmanuel Lozano Garrido, vulgo «Lolo » nuncu-

patus, Linariae, intra fines dioecesis Giennensis, die 9 mensis Augusti anno

1920 natus est. Quintus ex octo filiis, ad fontem baptismalem ductus est

paroeciae Sanctae Mariae in ipsa natali urbe. Adhuc puer paterno et adules-

centiae tempore materno quoque amore orbatus, consociationi illi iuvenum

laicorum, cui nomen Actionis Catholicae, adhaesit, quae indolem et spiritum

eius admodum corroboravit et alte informavit. Annis 1936-1939 bellum

civile, quod in Hispania interdum flagraverat, in saevam persecutionem re-

ligiosam exarsit, in cuius angustis tempestatibus, alterius Tharsicii instar,

Emmanuel plures menses Sanctam Communionem clandestine distribuit,

quapropter in carcerem coniectus est, ubi vero nihilo tamen setius, quam

soror minor, Lucia, ei inter flores conditam occulte subintroduxerat, aliquan-

do Eucharistiam adorare valuit. Dein e custodia ad aciem traductus est.

Post bellum Servus Dei non modo in studium et laborem, sed etiam

in apostolicam navitatem intendit, gaudium infundens in omnes, qui ei oc-

currebant, et graves quoque dignitates in Actione Catholica gerens. Dum

vero vicesimum quartum agebat aetatis annum, molestiis rheumaticis labo-

rare incepit, quae eum omnino paralyticum effecerunt, asperrimis doloribus

correptum et super sellam rotalem duodeviginti annos tenaciter retentum,

quorum ultimos novem in tenebris caecitatis degit. Asperitas infirmitatis

apostolatus fervorem, tamen, nullatenus imminuit: Emmanuel, enim, ad se-

dulum negotium scriptoris diurnalis et litterarum periti se contulit, operam

piam cui nomen « Sinai, coetus orantium pro catholicis editionibus provehen-

dis » fundavit et impensius per litteras membris eius infirmis, qui numerum

trecentorum excedebant, atque monasteriis strictioris observantiae commu-

nicavit. In verum « sacramentum doloris » mutatus, tanta fortitudine passio-

nes suas vixit, ut eorum impetum numquam quereretur, immo in vivida

laetitia consisteret. Linariae, die 3 mensis Novembris anno 1971, pie in

Domino quievit.