Congregatio de Causis Sanctorum 123

GIENNENSIS

Beatificationis seu Declarationis Martyrii Servorum Dei Emmanuelis Basulto Ji-

ménez Episcopi Giennensis et V Sociorum († 1936-1937)

DECRETUM SUPER MARTYRIO

« Quanto maiora nobis fiunt, tanto magis caritas nostra proficit secundum

caritatem Iesu Christi, quae nos ubique et semper facit victores, divites et

ornatos, non autem propter vires vel merita nostra, sed propter auxilium et

praesidium Iesu Christi. Cum enim Dominus mirifice adamet, nullomodo ipse

nos vinci permittet » (S. Ioannes De Avila, Homilia in feriam III Pentecostes).

Haec eximii Ecclesiae doctoris Sancti Ioannis De Avila enarrant verba

Apostoli Pauli, qui exclamat nec paupertatem neque infamiam neque fa-

mem neque mortem neque persecutionem neque cultrum a caritate Chris-

ti ipsum excludere posse. « Nihil ex his nos valet excludere ab illa, quae,

licet cruentissima videantur, minime tamen perterrent », Sanctus Magister

ille concludit, nec carnem nec sanguinem, sed Spiritum Sanctum singula-

rem virtutem ad toleranda adversa suppeditare. Spiritus Sanctus equidem

christifideles permultos suscitavit, ut, cruenta grassante persecutione quae

dimidia quarta XX saeculi decade Ecclesiam in Hispania dire vexavit, nihil

ab amore Christi discederent et crudelitatem persecutorum atque hostis

nostrae salutis superarent insidias. Talibus in adiunctis maxime saucias

inter dioeceses permultorum Deo consecratorum et christifidelium laico-

rum Ecclesia Giennensis funera spectavit templorumque suorum funestam

profanationem ac vastitatem immanem.

Huius dioecesis Episcopus, Emmanuel Basulto y Jiménez, qui, primus

Giennensium martyrum catervae, die 17 mensis Maii anno 1869 in vico

Adanero intra fines dioecesis Abulensis natus est. Ministerium presbyte-

rale summa sollicitudine exercuit et, cum philosophiae, theologiae et iuris

praecelleret doctrina, ad cathedram Lucensem in Gallecia evectus, super

eam inter annos 1910 et 1919 Episcopi officio functus est. Die 18 mensis

Decembris anno 1919, Episcopus Giennensis nominatus est. Magna contra

Ecclesiam in Hispania inita persecutione, licet terga praebere posset, quod

autem firmiter renuit, in Episcopio permansit conclusus usque ad diem 2