EX S. G. RITUUM 61

osus, ad caelestia inhiaret. Re quidem vera adolescens ita pro- batus et melior effectus, divino lumine ac spiritu illustratos et actus die 10 Septembris anno 1856 ad Recessum Morrovallensem Patrum a Cruce et Passione Christi convolavit, ibique, habitu religionis suscepto, Gabriel a Virgine Dolorosa nominari coepit : quem novum vitae statum patri describens, illius sacri Reces- sus quietem ac dulcedinem saecularibus spectaculis et solatiis minime comparandam valde commendavit. Tyrocinio summa cum laude expleto, mense Septembri anno 1857 solemnia reli- giosa vota nuncupavit, quibus sensit se, arctius Deo devinctum, ad perfectiora teneri. Ordinibus tantum minoribus initiatus, nec ad maiores promotus ob temporum iniquitatem, Gabriel cleri- cus professus, sibi durus et rigidus, Deo ac hominibus dilectus, singulari pietate Christum Crucifixum et Deiparam Perdolen- tem prosequebatur, ratione vivendi suae Congregationis, una cum regulis fideliter observata. Verum caelo dignior quam ter- ris, aetatem viginti quatuor annorum agens , in Recessu Insu- lae Pinnensis, ad quem, ut studiis vacaret, traductus fuerat, le- thali morbo correptus et sacramentis Ecclesiae refectus, dum Sacrae Familiae veneranda nomina invocaret, suavissime spiri- tum exhalavit die 27 Februarii anno 1862. Sanctitatis et virtu- tum famam, quam pientissimus iuvenis adhuc vivens sibi con- ciliaverat, post obitum, incolis et peregrinis ad eius sepulcrum continentibus, et prodigiorum copia confirmari et magis in dies inclarescere ex multiplici Ordinario Processu apprime compertum est. Hinc instante Rmo P. Germano a S. Stanislao e Congregatione Clericorum Regularium Ssmae Crucis et Passionis D. N. I. C. atque Causae Postulatore , Sanctissimus Dominus Noster LEO PAPA XIII die 10 Iunii 1895 sententiam Sacrae Rituum Con- gregationis super revisione scriptorum Servi Dei probavi t , ac subsequentibus Decretis 26, Augusti et 8 Novembris eodem an- no benigne indulsit, Introductionem Causae eiusdem Servi Dei discuti posse in ipsa Sacra Congregatione absque voto et in- terventu Consultorum, etiam non elapso decennio a praesenta- tione Processus Ordinarii. Quare susceptis iterato supplicibus precibus praefati Postulatoris, attentisque Postulatoriis Litteris plurium Emorum S. R. E. Cardinalium, Sacrorum Antistitum aliorumque virorum, ecclesiastica dignitate praestantium, infra- scriptus Cardinalis Sacrae Rituum Congregationi Praefectus et huius Causae Relator, in Ordinariis Comitiis subsignata die ad