61. De sancto Maximino.

In 1. Vesperis.
Ad Magnificat.

A. Insiste laudibus,

Aquensis civitas,
Deum magnificans

primatis gratia,
Per quem fons fidei

verbique veritas
Prius innotuit

tibi, Provincia.
Is carnis hodie

solutus fascia
Transfertur libere

per vitae semitas,
Ubi promittitur

sanctis haereditas,
Quibus in omnibus

Deus est omnia.

Ad Matutinum.
Invitatorium.

Consonantes voce meli
Jubilemus Deo caeli,
Qui transvexit Maximinum
Ad coelestis aulae sinum.

In 1. Nocturno.
Antiphonae.

1. Post ascensum Christi regis
Datur signum novae legis,
Dum per sacri linguas ignis
Sacer chorus fit insignis.

2. Hoc dum fragrat igne coetus,
Perit omnis mortis metus
Et Judaeis expedite
Praeconantur verba vitae.

3. Ex Judaeis credunt multi
Supernorum fide falti,
Facti lucis amatores,
Propriorum contemptores.

Responsoria.

1. De sanctorum

vocatus numero
Maximinus

sacratur pontifex,
Christi jugum

ferens in humero,
Sacramenti

fidelis opifex,
Praedicandi

praeclarus artifex,
Prosperari

sciens in aspero.
V. Scimus, quod hi,

qui Deum diligunt,
Rebus bonis

adversas subigunt.

2. Qualis sit operans

patet in opere,
Nam fructus arborem

prodit vel praedicat,
Prius aggreditur

praesul id agere,
Quod se continuo

docturum indicat,
Et illud penitus

spernit et abdicat,
Quod Deo displicet

patratum temere ;
V. Cujus enim

vita despicitur,
Et praedicatio

jure contemnitur.

3. O celebrem

viri memoriam,
Quae claruit

plena miraculis,
Huic Magdala

se dedit sociam
Obsequiis

et votis sedulis,

Mentem pascens

divinis ferculis,
Quae sitiens

erat justitiam.
V. Beatum comprobat

largitor gratiae,
Qui semper esurit

cibum justitiae.

In 2. Nocturno.
Antiphonae.

1. Horum nullus

habebat proprium,
Sed gaudebant

usu communium,
Unam simul

gestantes animam
Curam mundi

ducebant infimam.
2. Crescebat igitur

credentum numerus,
Quos fontis typici

fundebat uterus,
Haerentes firmiter

in morum studio,
Proles ecclesiae

repletur gaudio.
3. Ut effectum

conferent sceleri,
Animarunt

plebem presbyteri
In levitae

Christi perniciem,
Contorquentes

cum saxis aciem.

Responsoria.

1. Coegit igitur

facta dispersio
Sanctum cum Magdala

se mari credere,
Ergo se protinus

tradunt navigio,
Ventis et fluctibus

utentes prospere,

Nam ipsum rogitant,
qui pestis pondere
Pressis discipulis
fuit praesidio;
V. Jussu verbi salutaris

Tranquillatur motus maris.

2. Applicantes

sancti Massiliam
Intrant urbem

navemque deserunt,
Ibi stultae

gentis perfidiam
Sanctitatis

exemplo conterunt,
Et dum verbum

salutis proferunt,
Multi currant

ad Christi gratiam ;
V. Nam quos praescit

internus arbiter,
Amat, regit

et salvat pariter.

3. In Aquensi comitatu

Sato salutis semine
Multos solvunt a reatu

Baptismi lotos flumine,
In fideli stantes stata

Sancto servante flamine ;
V. Sancta quippe

conservat trinitas,
Quos in bonum

connectit unitas.

In 3. Nocturno.
Antiphonae.

1. Ergo pulsi

de Judae terminis
Gentes petunt

diversi numinis
Et delentes

doctrinam Stoicam
Praedicarunt

fidem catholicam.

2. Lustrantes igitur

regnorum moenia
In linguis variis

loquuntur varia,
Et quod in serie

verborum praedicanl
Firmant miraculis

et signis indicant.

3. Bis quina septies

virorum contio
Sermonis mittitur

in ministerio,
Ut, quod non poterat

patrum fragilitas,
Horum perficeret

pia sedulitas.

Responsoria.

1. Incessanter

divina praedicans
Rexit Aquensium

diu dioecesim,
Deo plebem

et loca dedicans
Et subortam

sugillans haeresim,
Deum et hominem

on esse indicans ;
V. Nam quod Deus

et homo dicitur,
Unus esse

Christus asseritur.
2. Imminente

dilectae transitu
Adest Christi

vocantis visio,
Ut cui toto

servivit spiritu,
Foveatur

ejus solatio,
In immenso

sumatur ambitu;
V. O felix commercium,

o miranda praemia,
Cum pro temporalibus

redduntur coelestia.

3. Mausoleum

conditum nobili
Maximini

corpus occuluit,
In quo patet

figura sculptili,
Ubi flendo

lavari meruit,
Et super hoc

fundare studuit
Deo templum

cultu laudabili;
V. Cui enim

minus dimittitur,
Huic dimissor

minus diligitur.

In Laudibus.
Antiphonae.
1. Revelante

divino spiritu
Suo praesul

praescito transitu,
Supplex orat

in vitae termino,
Ut post mortem

regnet eum Domino.
2. Spiritali

plaudit laetitia
Nulla carnis

motus molestia,
Suas Deo

revelans semitas,
Cujus semper

consistit veritas.
3. Verae lucis

servans excubias
Oves Deo

commendat proprias,
Ne trahantur

a mundi turbine,
Quos baptismus

lavit a crimine.
4. Sicut uvam

cultor a vinea,
Sicut granum

sperat ab area,

Sic exspectans

imbrem serotinum
Benedixit

sacerdos Dominum.
5. Psallit corde,

psallit operibus,
Psallit ore

profusis precibus,
Suos Deo

commendans exitus,
Quem coelestis

laudat exercitus.
Ad Benedictus.
A. Juxta tumbam

beatae complicis,
Sicut sanctus

ipse praeceperat,
Collocatur

corpus pontificis
Intra sacrum,

quod praeparaverat ;
Hic adversa

depellens superat,
Atri vires

frangens artificis,
Et per suum

juvamen apicis
Sanitatum

signis exuberat.

In 2. Vesperis.
Ad Magnificat.
A. O benigne

primas Aquensium,
Cleri, plebis

doctor et domine,
Da virtutem,

succide vitium,
Serva tuos

ab omni crimine,
Ut subtracto

carnis spiramine
Transeamus

ad vitae gaudium
Contemplantes

patrem et filium
Conregnantem

cum sancto flamine.