59. De s. Iohanne Gualberto.

In 1. Vesperis.
Antiphonae.

1. Summi regis militi
Cum nefando Giezi

Proelium committitur,
Victor Iohannes exstitit,
Hostis ruinae patuit.
2. Pyrae grandes ignium
Fervide consurgunt,
Piae preces hostium
Cuneos confundunt.
3. Transit Petrus hilaris
In medio torridae molis,
Cuius pili poderis,
Dictu res mirabilis,
In nullo laeduntur,
4. Pallianti scelera
Perniciosa nimis,

Erubescenti postea
Seriatim omnia
Pater patefecit.
R. Iubilemus exsultantes

omnes summo gaudio,
De superno venit pater
Christi fretus clipeo,
Qui purgavit Simoniae
sacra templa nubilo,
V. Firma fide loricatus
est amore fervido.

Ad Magnificat.
A. Felix in uberi
posita montium
Vallis egregia

protulit lilium,
Iohannem, gratia
quippe mirificum,

Cuius in aula

dicasti catholicum,
Pater aeterne, collegium.

Ad Matutinum.

Invitatorium.

Christum regem adoremus

Celebri laetitia,
Qui Iohannem exaltavit

Supra caeli sidera.

In 1. Nocturno.

Antiphonae.

1. Inclitus ecclesiae

Protector surgit ab hoste
Athleta nempe strenuus,
Iohannes, Christi famulus.

2. Iuventutis florem gerens
mundi vana respuit,
Tactum Christi veritate
verus amor imbuit.

3. Quidam feritatis
Stimulus invasit,
Carum interficere
Iohannis est ausus
Parcit pater libere
Cruce visa in pectore.

4. Libertati postquam
hostem condonavit,

Intra templi ianuam
oraturus ivit,

Curvam sibi
crucem adoravit

5. Sic adflatus, roboratus
Christi documentis,
Iuxta votum intrat locum
Sancti Miniatis.

6. Sumpta veste desuper
aram turbulentus
Pater eius clamitat
prole destitutus,

Ad Iohannem inhiat
ut invasor promptus.

Responsoria.

1. Christi confessor inclitus,
Possessor sancti flaminis
Illuxit nobis caelitus,
Consors paterni numinis,
Vexillifer eximius
Valimbrosani ordinis,
Exemplar vitae gratius
Cunctis fuit catholicis;

V. Tamquam sidus firmamenti
Iohannes ecclesiae
Iubar ferens radianti
In virtutum lampade.

2. Homicida praedo fuit,

Cruor ense funditur,
Obviavit moribundo,

Illaesus dimittitur
Propter signum crucis dignum,

Iohannes dum intuitur.
V. In spiritali cordis ara

Holocaustum obtulit,
Dum iniquus fit amicus,

Quem ut fratrem diligit.

3. Iam imbutus ad altare
Precibus incubuit,
Cornu crucis salutare

Sibi flexum conspicit,
Unde prorsus dedicare
Christo se disposuit;
V. Caelitus adflatus

mundi calcavit conatus.

4. Dira pestis depravandi

Sacra tunc efferbuit,
Hanc Iohannes exstirpandi

David zelum induit,
Quod per legem signis plene

Omnibus innotuit;
V. Fixe tenens veritatem

Populum adloquitur,
Incurrisse pravitatem

Praesul sic convincitur.

In 2. Nocturno.
Antiphonae.

1. Quia summo patri
totum se devovit,
Genitoris ideo
blanda non audivit.
2. Sanctis abstinentiis
carnem macerabat,
Quam ob rem validius
hostibus obstabat.
3. Labe simoniae

Praesule foedato
Petit Romaniae
Loca sancta pie
Simone relicto.
4. Demum idem rediit
Domino vocante,
Vallimbrosam adiit,
Ubi degere decrevit
Christo comitante.
5. Invictus a discipulis
Eligitur in patrem,
Quo valde turbatur
Summeque renititur
Ob humilitatem.
6. Evolat in circum

aligera fama virtutum
Iohannis miri,

quem properant visere viri.

Responsoria.

1. Peragratis undique
locis sanctitatis
Dirigente Domino

gressibus firmatis
In Vallimbrosa denique

summae deitatis
Maturavit cultibus
inservire beatis;
V. Imperans vero finem
fluidis desideriis
In Domino confidens
sanctis adiutoriis.
2. Regimen pastoris
vocatus

Ut Aaron assumpsit
Sed plurimum renitens,

Subici
Quam praefici malens.
V. Humillimus pater
Tollitur
In se delectanter.
3. Ut suavitas aromatum
Odor sanctitatis
Plurimos accedens
Ad patrem adducens
In mente coniunxit,
Qui refecti redeunt
Vanaque relinquunt
Vitae transeuntis,
V. Monitis imbuti

habitum sumpsere parati.
4. Caritatis viscera

Habens in egenos,
Quos famis inedia
Videbat exesos,
Sacro censu vestium
Adiuvat sacrarum,
Ne Christi membra languida
Perirent ex inopia.
V. Ex alta lupe quadrupedia
Prece Iohannis ruunt praeci-
pitia.

In 3. Nocturno.

Ad Cantica.

A. Delirus quidam famulus,
Immersus Arni fluctibus,
Sancti Iohannis precibus
Evasit in litoribus.

Responsoria.

1. Deprecantem Dominus
Exaudivit famulum,
Dum ex alto protinus
Labitur incendium,
Pro ultione patris
Ussit monasterium,
V. Ad honorem Christi
Flammae famulatus

Multavit coenobii
Vanus apparatas.

2. Bellua quam vidit

cruenta famulus aeger,
Territus exclamat,

succurrit ilico pater,
Daemonem sic ferit,
ex cruce visio perit,
V. Impavidus exstans

quia Cbristi stigmata por-
tans.

3. Missa cohorte

truculenta nimis,
Petri maligni

saginata dolis,
Templum ignitur,

monachi caeduntur,
In miseranda
clade oviculae
Christi traduntur.
V. Iohannes pater veniens,
Compassione plenus,
Avidus martyrii dolebat.

4. Felix hora dum instaret

exitus e corpore,
Maestos fratres recreavit

sacro Christi foedere,
Angelum aspiciens

scandit thronum gloriae,
Cuius prece sublevemur

in superno cardine.
V. Patris almi

Vigent illibata
Sacra membra triduo
Merito in quinto
Mense fervido

Mire conservata.

In Laudibus.
Antiphonae.

1. Spiritus sancti iubare
Tantum radiabat,
Ut statim prima facie

Hominis intrinsece

Arcana videbat.
2. Certamen aggreditur

Dirae vastitatis,
Pro qua refellenda
Monachus eligitur

Mirae sanctitatis.
3. Horridum examen

Ignium statuitur,
Quod a Christi famulo
Victo hoste turbido

Pro fide transitur.
4. Laboranti misero
Militi, qui in grabato

Ad exitum manebat,
Missa benedictio,
Parva panis portio

Sanum erigebat.
5. A prece patris intima
Alta ruunt fastigia,
Dum rivuli vehementia
Secuta fuit imperia.

Ad Benedictus.

A. O virum admirabilem,

Laudabilem praeconiis,
Christi thesauri scrinium
Et trinitatis solium,
Tuere nos a callidis
Hostium insidiis.

In 2. Vesperis.
Ad Magnificat.

A. O Iohannes, inclite
Pater monachorum,
Super clara hodie
Sidera polorum
Vectus honorifice,
Choris decentissime

Secteris sanctorum,
Supplex sis, oramus,
Pro cunctis fidelibus
Apud regem gloriae.

hat B eine

zweite A ad libitum:

O venerande pater

et clemens, sancte Iohannes,
Cui crux non renuit

Christi se flectere totam,
Ora pro populo,

clero cunctoque rogato,
Ut meritis precibusque tuis

valeant adipisci
Regnum caelorum,

quod habent animae beatorum.

Antiphon ad Primam:

Simoniae nubilum

Purgans templo Dei
Meruisti iubilum

Patris Helisaei,
Dum, Iohannes, famulum

Cantico tropaei
Dans per flammae cumulum

Salvae speciei.

in B ad Magnificat

O Iohannes, gremium

Gregis monachorum,
Vitae posce praemium

Plebi subditorum,
Condonans interitum

Hosti meruisti
Inclinantis meritum

Crucis ferre Christi.