Acta Apostolicae Sedis - Commentarium Officiale222

BOTRYEN. MARONITARUM

Beatificationis et canonizationis Ven. Servi Dei Stephani Nehmé (in saec.: Iosephi)

Fratris Professi Ordinis Libanensis Maronitarum (1889-1938)

DECRETUM SUPER VIRTUTIBUS

«Unum petii a Domino, hoc requiram: ut inhabitem in domo Domini

omnibus diebus vitae meae » (Ps 27, 4).

Servus Dei Stephanus Nehmé (in saec.: Iosephus) in Libanensi vico vulgo

Lehfed regionis Jibeil, natus est ineunte mense Martio anno 1889 quartus

inter sex filios e familia penitus religiosa Maroniticae traditionis. Eodem anno

die quintodecimo mensis Martii baptizatus est.

Rudimenta spiritualis et culturalis institutionis tum apud familiam tum

apud ecclesiam loci didicit. Inde a tenera aetate solitudini et recessui inten-

tum se praebuit; adhuc adulescens intensum ostendit spiritum orationis et

meditationis, ferventem manifestationem sui amoris erga Deum teneraeque

dilectionis erga Virginem Mariam. Opus in agro et pascua bestiarum, quibus

se dederat, nec non pacificum et uniformem naturae cursum, quo vitam

gessit, veluti eremum fuisse censuit, praeludium vitae versus futurum voca-

tionis indicem.

Saepe, cum amicis commorans, narrabat illis vitas sanctorum et, tam

opere quam verbo, eos hortabatur ut parentibus et fratribus maioribus natu

obtemperarent. Continua et frugifera fuit eius participatio eucharistica et

Marialis Rosarii recitatio. Statura procerus et corpore robustus personalita-

tem maturabat vivaci ingenio insignitam atque sensu prudentiae, pondera-

tionis et scientiae, quae cum spirituali eius libertate plane congruebant.

Sedecim annos natus, superans quandam familiae oppositionem, Iosephus

novitius ingressus est Ordinem Libanensem Maronitarum apud claustrum

Sanctorum Cypriani et Iustinae in oppido Kfifane: hic enim Stephani nomen

assumpsit. In spirituali itinerario monachali Servus Dei plenam repperit

adimpletionem consilii divini suarumque exspectationum. Vivens exstitit

exemplum sincerae oboedientiae, authenticae paupertatis, laetae castitatis,

spiritus mortificationis et asceticae vitae. Erga omnes promptum se profe-

rens, circa se serenitatem diffundebat et affectum; ob suam benignitatem

bene acceptus habebatur et ob suam sedulam vigilantiam praevenire poterat

contentiones et difficultates intra religiosam communitatem. Cum suis con-