Acta Apostolicae Sedis - Commentarium Officiale742

Verbum Dei et Benedictionale

63. Etiam in usu Benedictionalis oportet mens vertatur ad spatium

quod praevidetur in proclamatione, auditione et explicatione Verbi Dei,

per breves admonitiones. Nam gestus benedictionis, in casibus praevisis ab

Ecclesia et cum requiritur a fidelibus, non est segregandus in seipso, sed

proprio gradu referendus ad vitam liturgicam Populi Dei. Hoc sensu « bene-

dictio signum sacrum revera fiat, quod ex verbi Dei proclamatione sensum

haurit et efficaciam ».226 Quapropter magni est ponderis adhibere has occasio-

nes ut fames et sitis cuiusque verbi quod procedit de ore Dei (cfr. Mt 4, 4) in

fidelibus accendatur.

Consilia et proposita specifica ad liturgicam animationem

64. Postquam quaedam praecipua inspeximus elementa relationis inter

Liturgiam et Verbum Dei, nunc summatim exponere et aestimare cupimus

quaedam proposita et consilia a synodalibus Patribus commendata, ut in

Populo Dei maiorem in dies foveamus habitudinem cum Verbo Dei in ambitu

actionum liturgicarum vel eorum quae ad eas referuntur.

a) Celebrationes Verbi Dei

65. Synodales Patres hortati sunt omnes Pastores ad momenta celebra-

tionis Verbi 227 diffundenda apud communitates sibi concreditas: sunt privile-

giatae occasiones occurrendi cum Domino. Hanc ob rem, huiusmodi praxis

non potest non magnam adferre fidelibus utilitatem, atque habenda est

instrumentum magni ponderis in re pastorali liturgica. Hae celebrationes

singularem obtinent praestantiam ad parandam Eucharistiam dominicalem,

ita ut credentes penitus imbui possint ubertate Lectionarii ad meditandum et

orandum cum sacra Scriptura, maxime intensioribus temporibus liturgicis,

Adventu et Natali, Quadragesima et Pascha. Celebratio Verbi Dei fieri enixe

suadetur in illis communitatibus in quibus, ob exiguum sacerdotum nume-

rum, diebus praecepti festivi sacrificium eucharisticum celebrari nequit.

Attentis admonitionibus iam ex Adhortatione apostolica postsynodali Sacra-

mentum caritatis emanatis circa congressus dominicales in exspectatione sa-

226 Rituale Romanum, De Benedictionibus, Praenotanda Generalia, 21. 227 Cfr. Propositio 18; Conc. Oecum. Vat. II, Const. de Sacra Liturgia Sacrosanctum Conci-

lium, 35.