Dicit ergo : ita commendabilis est propter praedicta, " sed " tamen " habeo adversus te pauca. "

Quaeritur, Si charitatem habebat, quomodo peccata proximorum incorrecta dimittebat? Responsio. Haymo. : " Nulla ratio permittit ut ille hoc vitio notetur, quem Dominus tanta laude prosequitur : sed a corpore electorum convertit sermonem ad partem reproborum, quae in Doctoribus intelligitur, qui sua negligentia fornicationem, et idololatriam in Ecclesia Dei esse sinunt sub nomine Christiano. "

" Quia permittis. " Glossa : " Non excommunicans mulierem. "

" Jezabel, quae se dicit propheten, docere, et seducere servos meos, fornicari, et manducare de idolothytis. " Nota : Jezabel fuit uxor regis Achab, sicut dicitur, IV Regum, IX, 22, quae fuit idolo- latra simul et fornicaria. Item, persecutrix servorum Dei : et constat quod non vivebat tunc, quando fuit facta ista revelatio : quare ergo dicit, Jezabel? Responsio. Haymo : " Qui erant in Ecclesia illa, qui opera illius mala imitabantur : ideo in eis ipsa mater fornicationum vocabatur. " Sensus ergo est : Quia permittis simul Jezabel, id est, idololatras et fornicarios docere et fornicari, etc. Alii dicunt, quod ad litteram in illa Ecclesia fuit quaedam mulier sic vocata, quae fuit uxor Episcopi : et hoc innuit alia translatio, quae dicit sic : " Habeo adversus te multa : quod sinis uxorem tuam Jezabel, quae se dicit propheten, quia erat uxor Episcopi: vel propheten, id est, occulta et secreta videntem, ut sibi melius crederetur. " Per hanc introducta est haeresis Mahumeti : sicut illa Jezabel in-

trodaxit Baal inter filios Israel : et sicut illa praecipit interfici prophetas Domini, sic lex illa praecipit quod interficiatur, qui praedicat contra illam.

" Docere, " Quod est contra illud quod dicitur, I ad Corinth.XIV, 34 : Mulieres in Ecclesiis taceant. I ad Timoth. ii, 12 : Docere mulieri non permitto." Et seducere, " id est, seorsum a via veritatis ducere, vel a via fidei et morum, "servos meos, " supple, in hoc quod docet.

" Fornicari, " ad litteram cum mulieribus carnaliter, vel cum daemonibus spiritualiter per idololatriam, et caetera

peccata. Est autem quadruplex fornicatio. Prima, in anima. Matth. v, 28 : Quividerit mulierem ad concupiscendum, etc. Secunda, in actu ipso. I ad Corinth. VI, 18 : Qui fornicatur, in corpus suum peccat. Tertia, in cultu idolorum, quae adorantur pro Deo. Jerem. III, 8 et 9 : Abiit, et fornicata est etiam ipsa :... et moechata est cum lapide et ligno. Quarta est in amore terreno. Ad Ephes. v, 5 : Avaritia, quod est idolorum servitus. Tria genera modo regnant in Ecclesia,

licet non sit quartum : quia non adorat idola.

" Et manducare de idolothytis, " id est, de immolatis et oblatis idolis in veneratione eorum, et cum scandalo fratris infirmi : aliter non prohibetur peritis qui sciunt quod idolum nihil est .

" Et dedi illi tempus ut paenitentiam ageret, et non vult paenitere a fornicatione sua. "

Hic ostendit eam ab Ecclesia esse separandam, cum diu exspectata noluerit agere paenitentiam.