60. De s. Iohanne Gualberto.

In 1. Vesperis.

Antiphonae.

1. Sidus Iohannes oritur
Praeclara ex progenie,
Virtutum princeps colitur
Ditatus divo munere.

2. Plaudat Etruria,
Ornata floribus,
Penset et mystica,
Coruscet moribus
Divina gratia.
3. Innocens spernit
Natale solum,

Currit ad bravium,
Cum cernit polum,

Et fit mirificus.
4. Doctor theorice

Vitae catholicae
Spernit saeculum,

Vivit caelice

Et hoc pro summa gloria.
R. O lux mirabilis

Et immutabilis,
Iohannes, lilium
Et flos convallium,

Post donum gratiae

Confert et gloriae
In caelesti patria;
V. Summum praesagium,

Fuga contagium
Divino munere.

Ad Magnificat.

A. Salve, decus confessorum,
Lux superna beatorum,
Funde vota et suspiria
Apud Deum mente pia
Pro nobis supplicibus,
Quos acquire precibus.

Ad Matutinum.
Invitatorium.

Adoremus creatorem
Iubilantes laudibus,

Qui Iohannem confessorem
Caeli iunxit civibus.

In 1. Nocturno.

Antiphonae.

1. Beatus in provincia

Iohannes puer Tusciae
Est ortus de prosapia
Spectabili Florentiae.
2. Praeventus est gratia
Superni spectatoris,
Refulget nunc in gloria
Seraphici decoris.

3. Verus crucis imitator
habet inde gratiam,
Cui caput se inclinans
agit reverentiam.

4. Pompa mundi tunc relicta
crucem iam amplectitur,
Circumcidens se Hebraeus
Christum totum sequitur.

5. Ubi Christus immolatur,
Vitae sumit habitum,
Totus Deo consecratus
Solvit Adae debitum.

6. Tunc exustus caritate
Hostia seraphica
Agit Christi largitate
Iam signa mirifica.

Responsoria.

1. Patriarcha fit Iohannes

servans Christi regulam,
Fit deinde [et] monarcha
fruens Dei gloriam,
V. Exoremus patrem patrum,
ut det nobis veniam.

2. Summum decus paupertatis

Atque patientiae,
Hic est doctor caritatis

Atque innocentiae,
V. Imitemur praeceptorem

Vitae evangelicae.

3. Hic expugnat sanctitatis

Saeva venalitia
Atque mundae castitatis

Decolora vitia,
V. Fuge, Simon pravitatis

Atque immunditia.

4. Princeps apostolicus
Fretus divo munere
Totus fit propheticus
Almo Christi germine,

V. Fulget omnes suum velle
Pro caelesti colere.

In 2. Nocturno.
Antiphonae.

1. Abraham hic imitatur
Se dicando Domino
Et Isaac aemulatur
Labore longanimo.

2. Israel est videns pater
Intuens absentia,
Futura, praeterita
Clarere fulgentia.

3. Supplantator vitiorum
Iacob hic efficitur
Et Ioseph nulli castorum
Morum iam ambigitur.

4. Panem caeli prophetalem
Manducat cum fratribus
Et Heliam imitalem
Eum facit angelus.

5. Elementis dominari
Probant mirabilia,
Terra, pontus, aether, ignis
Huius patris gratia.

6. Fere martyr, doctor, virgo

Pater iste cernitur

Et cunctorum beatorum

Praemiis extollitur.

Responsoria.

1. Plaude, turba parcitatis,
Tanto ditata munere,
Laudes funde largitatis
Sacro depressas ubere,

V. Te cibante gregem sanctum
Mystico spiramine.

2. Aaron virga frondet flore,
Fagus patris cum decore
Et dat fructum cum odore,
V. Nam virtutes operatur,
Quis popellus recreatur.

3. Tamquam Ioseph dat frumenta,
Sanctus pater monimenta,
Sed non deficit sementa
Prae immensa caritate;

V. Imitemur documenta,

Ut laetemur sancta pace.

4. Dum perquirit vilitatem,
Conspicit divinitatem,
Contemplatur trinitatem
Fretus sic in iubilo;
V. Sic sequantur nati patrem,
Quantum dat permissio.

In 3. Nocturno.
Ad Cantica.

A. Cantet clerus melodizans
Et ordo monasticus,
Ploret daemon eiulizans
Stetque sic perterritus
A religione.

Responsoria.

1. Aqua mundus delebatur
In Noe diluvio,
Aedes fasta quassabatur
Iohannis imperio,
V. Atque imber grassabatur
Cum miro prodigio.

2. Lucta mystica Iacob fuit
Sancta contemplatio,
Quem a sensu tunc privavit
Diva benedictio,

V. Sed Iohanne reparatur
Brachii siccatio.

3. Arca legis si tangatur,
Nulli mors effugitur,
Cum hic pater adoratur,
Mentis salus redditur;
V. Perduc nos ad summum sta-
tum,
In quo Deus fruitur.

4. Adhuc exsistens in carne
Pater fit exstaticus,
Angelum videt et sensu
Et sic fit hierarchicus,

V. Qui deportet in superno,
Actus est mirificus.

In Laudibus.

Antiphonae.

1. Dominus regnavit

Cantemus iubilando,
Qui nos expiavit
Patrem deprecando.

2. Iubilis in mysticis

prompte imprimatur,
Per quem mens devota
digne decoratur.

3. Deus, Deus meus,
patri decantemus,
Cum sanctis patribus
semper vigilemus.

i. Benedictus pater, ora
tu pro nobis Deum,
Semper nos custodiens,
ut colamus eum.

5. Laudent Deum caeli,
spiritus iustorum
Et Iohannes inclitus
in coetu beatorum.

Ad Benedictus.

A. O sidus caelicum,

flos castitatis,
Decus innocentiae,

lux puritatis,
Lex paenitentiae

et pietatis,
Conforta nos,

Iohannes, gratia.

Per Horas.

Ad Primam.

A. Primum tempus agitur
In conversione,

Cum Satan expellitur
Fracta cautione.

Ad Tertiam.

A. Tertium expenditur
Virtutes excolendo,
Atque crux amplectitur
Totum se vovendo.

Ad Sextam.

A. Sexta hora radians

Ascendit sol in centrum,
Lucifer expellitur
Et suum figmentum.

Ad Nonam.

A. Nona festum coluit

Et cumulum virtutum,
Si daemonem expulerit,
Qui facit servum mutum.

In 2. Vesperis.
Antiphonae.

1. Fulget splendor vespertinus,
Firmat decor caelestinus
In gratia et gloria.
2. Vir beatus atque prudens
Sit adiutor atque ducens
Ad superna gaudia.
3. Solis ortus laudet Deum,
Qui salvavit patrem verum,
Antequam formaret eum.
4. Collaudatur gens Italica,
Facta est mirifica,
In tanto patre beatifica
Reciproco dulcore.

Ad Magnificat.

A. Rex aeterne, doctor lucis,
Dirige virtute crucis
Adoptionis, quos vocasti
Per Iohannem, quem salvasti.