Quinquagena I.

1. Ave, regis nostri pacifici
Mater, aula, thronus et thalamus,
Fac nos legi ipsius subici,
Cuius templum haberi cupimus.

2. Ave, virgo, cui nihil denegat
Prolem sibi aequalem generans,
Famulatus hic meus placeat
Tibi, quo desudo te venerans.

3. Ave, virgo, inventrix. gratiae,
Quam hoc hymno laudari molior,
Scutum mihi da tolerantiae,
Qui hostili dente confodior.

4. Ave, per quam venit haecnpvitas,
Qua circumdatur vir a femina,
Iracundum me animositas
Reddit, quam a corde elimina.

5. Ave, prophetata antiquitus
Genituram divinam subolem,
Defunctorum exaudi gemitus,
Quibus pulsant te venerabilem.

6. Ave, genetrix homousion,
Quo praestatur

salus credentibus,
Purga meam, exoro, miticon,
Defoedatam peccati sordibus.

7. Ave, quam melodiis melicis
Devotarum collaudat unitas,
Laquatismo me captum illicis
Hostis tua resolvat pietas.

8. Ave, virgo, quem alimonia
Lactis Dei pavisti filium,
Mihi eius ad tirocinia
Consecrato praebe auxilium.

9. Ave, mater et thronus gratiae,
Qua solantur corda maerentium,
Regem nobis placa iustitiae,
Cum finale erit iudicium.

10. Ave, virgo, sedes altissimi,
Qua resedit novenis mensibus,
Mea, quaeso, arcana animi
A perversis serva haeresibus.

11. Ave, de qua suprema veritas
Carnem sumpsit

pro natis hominum,
Per te mea purgetur vanitas,
Qua deturpor

instinctu daemonum.

12. Ave, luna sole praeclarior,
Quae ignoras viam eclipticam,
Tribulamen aufer, quod patior.
Per orationem magnificam.

13. Ave, virgo formae egregiae,
Oriunda regum prosapia,
Inimicos pacis et gratiae
Superare fac me modestia.

14. Ave, arca, manna dulcissimum
In te servans legisque paginam
Bonae vitae dona propositum,
Quo caeleste regnum obtineam.

15. Ave, stella, cuius praeclaritas
Cunctis astris exstat fulgidior,
In extremis mihi securitas
Esto, cum est hostis infestior.

16. Ave, cellula pigmentaria,
Odoramen dans balsamiticum,
Insectantem nos plurifaria
Fraude hostem

preme vulnificum.

17. Ave, cuius nos amabilitas
Ad laudandum te cogit iugiter,
Ad coronas nobis propositas
Pervenire fac nos velociter.

18. Ave, virgo, quae pretiosior
Exstas auro cunctis operibus,
Passionem mentis, quam patior,
Tuis aufer orationibus.

19. Ave, admiranda in saeculura,
Quam hac dulci affor dictamine,
Sub honore mundi periculum
Sustinentes iuva precamine.

20. Ave, coronata magnifice
Privilegiorum insigniis,
Obviare fac me pacifice
Persequentum inimicitiis.

21. Ave, cuius ventris oppidulo
Ad bellandum seChristus induit,
Qui pugnando crucis patibulo
Ab inferno suos eripuit.

22. Ave, virgo, fons lucidissime,
Aquam vitae

praebens potantibus,
Turbativa clementer reprime,
Quibus premor

ab adversantibus.

23, Ave, quae superno spiramine
Concepisti salutem gentium,
Exoramus, tuo praecamine
Puritatem det nobis mentium.

24. Ave, virgo, diei gnomana,
Sempiternam

demonstrans lineam,
Da, carnali abiecta sarcina
Ad eandem laetus perveniam.

25. Ave, stella sole praestantior,
Animorum pellens caliginem,
Me peccatis

munda, te deprecor,
Qui per ea mutor in pecudem.

26. Ave, cuius mentis humilitas
Deum traxit de caeli sedibus,
Mea, quaeso, per te temeritas
Subiugetur divinis legibus.

27. Ave, virgo, ministra foederis,
Sempiterni pacti cum homine,
Servum tuum a supplicariis
Pietate innata erue.

28. Ave, vernans flos pudicitiae,
Mundi carens

camisque foetidis,
Lege purga me continentiae
Lupanari foedatam Cypridis.

29. Ave, cuius fletus in gaudium
Resurgente dilecto filio
Est conversus,

praesta subsidium
Gravi pressis mundi exsilio.

30. Ave, virgo, cuius dulcedinis
Magnitudo tristes exhilarat,
Me a potu amaritudinis
Serva, Stygis

quem caupo praeparat.

31. Ave, mundum

qua summa deitas
A peccati mundat atramine,
Servi tui, precor, iniquitas
Obtegatur tuo oramine.

32. Ave, quae virtute altissimi
Es replecta

Christum concipiens,
Mei, quaeso, arcana animi
Munda, ut sim Deum parturiens,

33. Ave, o benedicta millies,
Venerandapraesanctis omnibus,
Fac nos actu et mente humiles
Et nos necte Deum timentibus.

34. Ave, per quam vetusta lapsio
Est soluta nostrae originis,
Inimici, qua ligor, captio
Vi rumpatur tui precaminis.

35. Ave, virgo, ancilla humilis,
Dei parens, tamen et filia,
Caritatis divinae poculis
Mentem meam, quaeso, inebria.

36. Ave, decus gentis Iudaicae,
Ex qua trahis carnis materiam,
A periclis me manus hosticae
Fac remotum per providentiam.

37. Ave, angelorum laetitia,
Hymnodia ista quam veneror,
Medicare me tua gratia,
Delictorum telis qui vulneror.

38. Ave, cuius in laudem congero
Odae huius meditatorium,
Ne veneno linguae mortifero
Foeder, mihi fer adiutorium.

39. Ave, virgo speciosissima,
Illibatam te servans Domino,
Laudis huius, exoro, victima
Mihi prosit in vitae termino.

40. Ave, virgo, quam universitas
Pietatis colit obsequio,
Cum instabit meae acerbitas
Mortis, tuae assit auxilio.

41. Ave, virgo, turtur solivaga,
Deum mentis contemplans acie,
Corda nostra sustolle naufraga
Et sopita rerum ambitie.

42. Ave, caius relucet probitas
Super solem in mundi partibus,
Mea pressa per probra vilitas
Sublevetur tuis precatibus.

43. Ave, stella, per caius radium
Longum terrae latumque emicat,
Hostis nostri frange obsidium,
Qui frequenter

contra nos dimicat.

44. Ave, aula regis altissimi,
Qua pausavit

ter tribus mensibus,
Sedem mei expurga animi
Omnis rei a cupidinibus.

45. Ave, cordis mei fiducia,
Consolamen atque refugium,
Hierarchiae supernae gaudia
Tuum nobispraestetsuffragium.

46. Ave, virgo de olivatio

Monte natum videns ascendere,
Me subactum gravi imperio
Vitiorum stude absolvere.

47. Ave, creatura mirabilis,
Qua nil maius

quam Deum repperi,
Nos digneris, mater amabilis,
Custodire a portis inferi.

48. Ave, genetrix sapientiae
A supernis dilapsae sedibus,
Donum mihi praesta scientiae
Comparato insipientibus.

49. Ave, cuius laudis praeconium
Iam per totum

mundum increbuit,
Fac me tuum per patrocinium
Declinare, quae Deus vetuit.