Congregatio de Causis Sanctorum 525

magnificis rationibus contemptis, immo potius dulce ridenti ore, multis in sua

vocatione discernenda proficientibus veluti praeclarum exstitit lumen. Deni-

que castimoniae virtutem potissimum dilexit.

Idem vero, utpote multiplici insignique pollens periculo, anno 1923,

creatus est Visitator Generalis Domorum adulescentibus instituendis in

America Septentrionali. Cum autem, anno 1928, in oppidum, quod Belgae

vulgo Lembecq-Lez-Hal appellant, in generale comitium venisset, prima ipse

eius morbi indicia, quo moriturus erat, animadvertit. Inde gravi intestinorum

tumore cognito, statim Lutetiam Parisiorum adductus est, scilicet qui

sectione chirurgica, eaque periculosa, curaretur; quae tamen ad causam

infirmitatis amovendam nihil profuit. Itaque prae insanabili morbo, cum

extrema huius vitae momenta iam adesse sentiret, divinae providentiae

totum se tradens, Passionisque Christi consors factus, omnibus exemplo ac

testimonio fuit. In Canadam autem reversus, placidissimo obitu decessit

Adolfus die 28 mensis Aprilis anno 1929, in Domo, quae apud locum v. d.

Laval-des-Rapides.

Increbrescente eius sanctimoniae fama, in Curia Marianopolitana, a die 1

mensis Decembris, anno 1987, ad diem 31 mensis Martii anno 1990, Inquisitio

dioecesana est instructa; cuius vim haec Congregatio de Causis Sanctorum

ratam habuit per Decretum die 16 mensis Novembris anno 1991, latum.

Positione confecta, more tralaticio disceptatum est num Dei Servus christia-

nas virtutes, easque heroico in gradu, exercuisset. Die autem 18 mensis Iunii

anno 2010, habitus est, cunctis quidem suffragiis, Peculiaris, qui dicitur,

Consultorum Theologorum Congressus. Amplissimus denique Purpuratorum

Patrum et Antistitum coetus, in Sessione Ordinaria, quae die 22 mensis

Martii hoc anno 2011, gesta est, audita relatione Exc.mi D.ni Antonii

Stankiewicz, Episcopi titulo Novapetrensis, Causae Ponentis, pronuntiavit

hunc Dei Servum theologales, cardinales iisque adnexas virtutes heroico in

gradu exercuisse.

Facta demum de hisce omnibus rebus Summo Pontifici Benedicto XVI

per subscriptum Cardinalem Praefectum accurata relatione, Sanctitas Sua,

vota Congregationis de Causis Sanctorum excipiens rataque habens, hodierno

die declaravit: Constare de virtutibus theologalibus Fide, Spe et Caritate tum

in Deum tum in proximum, necnon de cardinalibus Prudentia, Iustitia,

Temperantia et Fortitudine, iisque adnexis, in gradu heroico, Servi Dei Adolfi

Châtillon (in relig.: Theophanii Leonis), Fratris Professi Fratrum Scholarum

Christianarum, in casu et ad effectum de quo agitur.