Congregatio de Causis Sanctorum 605

spiritum ducebat. Repente inchoata est catena precum quae implicavit mul-

tas communitates Sororum Minimarum et omnibus vesperibus familiares et

amici una ibant apud sepulcrum Venerabilis Helenae Aiello, et instruebant

publicas etiam celebrationes. Subito aegra coepit se reficere, exiens a veter-

noso statu et se movens paulum et spirans per se ipsam. Sequentes investiga-

tiones ostenderunt validam renovationem. Clara est convenientia temporis et

nexus inter preces Venerabilis et sanationem Franciscae Bozzarello.

Sanatio haec examinata est in Inquisitione Dioecesana quae instructa est

in Archidioecesi Cosentina-Bisinianensi a die 4 mensis Octobris ad diem 20

mensis Decembris anno 2005, cuius iuridica auctoritas approbata est ab hac

Congregatione de Causis Sanctorum decreto diei 24 mensis Februarii anno

2006. Consilium Medicum Dicasterii, in sessione diei 1 mensis Februarii anno

2007 agnovit restitutionem ad integrum et motus et ingenii, non explicabilem

ratione. Die 23 mensis Octobris anno 2010 habitus est Congressus Peculiaris

Consultorum Theologorum et die 18 mensis Ianuarii anno 2011 Sessio Ordi-

naria Patrum Cardinalium et Episcoporum ponente causam Excellentissimo

Marcello Semeraro, Episcopo Albanensi. Et in utroque Coetu, sive Consulto-

rum sive Cardinalium et Episcoporum, posito dubio an de miraculo divinitus

patrato constaret, responsum affirmativum prolatum est.

Facta demum de hisce omnibus Summo Pontifici Benedicto XVI per

subscriptum Cardinalem Praefectum accurata relatione, Sanctitas Sua, vota

Congregationis de Causis Sanctorum excipiens rataque habens, hodierno die

declaravit: Constare de miraculo a Deo patrato per intercessionem Venerabilis

Servae Dei Helenae Aiello, Fundatricis Sororum Minimarum a Passione

D.N.I.C., videlicet de celeri, perfecta ac constanti sanatione dominae Franciscae

Bozzarello a « trauma cranico e lesioni encefaliche diffuse con coma grave asso-

ciato a trauma toracico e frattura tibiale intra-articolare ».

Hoc autem decretum publici iuris fieri et in Acta Congregationis de Causis

Sanctorum Summus Pontifex referri mandavit.

Datum Romae, die 2 mensis Aprilis A.D. 2011.

Angelus Card. Amato, S.D.B.

Praefectus

L. e S.

e Marcellus Bartolucci Archiep. tit. Mevaniensis, a Secretis