Congregatio de Causis Sanctorum 125

- Emmanuel Aranda Espejo, Seminarii alumnus, in loco Monte López

Álvarez sub dicione Tuccitana die 22 mensis Martii anno 1906 natus est.

Vocationem Domini ad sacerdotium percipiens, Seminarium dioecesanum

Giennense ingressus est, ubi usque in tertium annum cursus philophicae in-

stitutionis processit. Cum Seminarii esset alumnus, deprehensus et iniuriose

vexatus, in ecclesiam demum loci sui natalis conclusus est, quia blasphemias

evomere atque imagines quasdam sacras prodere recusavit. Die 8 mensis

Augusti anno 1936, in oliveto vicino loci plumbis transfossus interemptus est.

- Iosephus Maria Poyatos Ruiz, christifidelis laicus, in vico Vilches die

20 mensis Octobris anno 1914 natus est. Adorationi Nocturnae Hispanicae

et Actioni Catholicae naviter adhaesit. Ubetae in torculario olivarum fraces

excolebat, unde eiectus est, quia catholicam fidem palam profitebatur. In

lare mansit conclusus usque ad diem 2 mensis Octobris anno 1936, cum

deprehensus est et, sequenti die, plumbis transfossus in coemeterio Ubetae

martyrium passus est et inhumatus.

Super horum sex Servorum Dei caedem, quae specimen est omnium

eorum qui pro Domino illis in adiunctis intra fines dioecesis Giennensis

vitam effuderunt, a populo christifidelium semper pro authentico marty-

rio habitam, apud Curiam Episcopalem Giennensem, inter annos 1994 et

1998, Inquisitio dioecesana celebrata est, cuius auctoritas et vis iuridica a

Congregatione de Causis Sanctorum Decreto diei 23 mensis Octobris anno

1998 probatae sunt. Positione confecta, iuxta suetum morem, die 22 mensis

Iunii anno 2010, Congressus Peculiaris Consultorum Theologorum factus est,

in quo prospero cum exitu disceptatum est an Servorum Dei mors verum

martyrium fuisse. Patres Cardinales et Episcopi in Sessione Ordinaria die

8 mensis Ianuarii anno 2013 habita, cui egomet ipse, Angelus Cardinalis

Amato praefui, agnoverunt supradictos Servos Dei ob fidelitatem erga Chris-

tum et Ecclesiam confessam verum in odium fidei martyrium passos esse.

De hisce omnibus rebus, referente subscripto Cardinale Praefecto, cer-

tior factus, Summus Pontifex Franciscus, vota Congregationis de Causis

Sanctorum excipiens rataque habens, hodierno die declaravit: Constare de

martyrio eiusque causa Servorum Dei Emmanuelis Basulto Jiménez, Episcopi

Giennensis, atque Felicis Pérez Portela, Francisci Solís Pedrajas et Francisci

López Navarrete, Presbyterorum, necnon Emmanuelis Aranda Espejo, Semi-