Congregatio de Causis Sanctorum 301

STRIGONIENSIS - BUDAPESTINENSIS

Beatificationis et Canonizationis Servi Dei Marcelli a Virgine Carmeli (in saeculo: Balthasaris Marton) Sacerdotis Professi Ordinis Carmelitarum Discalceatorum (1887-1966)

DECRETUM SUPER VIRTUTIBUS

« Deus Caritas est » ( 1 Gv 4, 16).

His verbis, in memoriali propriae ordinationis sacerdotalis inscriptis,

voluit Servus Dei Marcellus a Virgine Carmeli (in saec.: Balthasar Marton)

fontem exprimere a quo totius vitae cursu vires accepit et ad quem proxi-

mos suos indesinenter ducere curavit.

Servus Dei natus est die 9 mensis Septembris anno 1887 in loco Kis-

komárom (hodie Zalakomár) dioecesis Kaposvár in Hungaria, ibique die se-

quenti baptismum recepit. Gymnasialibus studiis in civitatibus Keszthely et

Nagyszombat peractis, facultatem Litterarum in Universitate Budapestinen-

si annis 1905-1910 summa cum laude frequentavit. Professoris linguarum

hungaricae, latinae et graecae, ab anno 1910 usque ad annum 1916, et deinde,

post bellum, ab anno 1918 usque ad annum 1925, in civitatibus Petrozsén et

Zalaegerszeg munere functus, magnam sibi laudem comparavit. Quo tempore

Balthasar in oppido Zalaegerszeg degebat, in eodem loco futurus Cardinalis

Iosephus Mindszenty cappellani primum, deinde paroci, munere fungebatur;

ac dum, primo bello mundiali saeviente, Servus Dei ad militiam profectus

est. Post bellum, et post suam, ut ipse aiebat, conversionem relationes inter

Servum Dei et futurum dominum Mindszenty valde cordiales factae sunt, non

modo quasi inter collegas in docendo, sed quasi inter addictissimos amicos.

A tempore frequentationis Universitatis Budapestinensis usque ad redi-

tum e bello sub fine anni 1918, Balthasar visus fuit fidem catholicam amisis-

se, sacramentorum enim frequentiam suspendit et per quindecim annorum

spatium nec confessionem fecit nec sacram communionem recepit. Immo,

oblito vero Deo personali, ipsi deus videbatur esse tantummodo Natura et

quidquid pulchri vel admiratione dignum in ipsa reperiretur. Cum anno

1916 ad arma vocatus fuit, renuens proprio sat probabili iuri servitium mi-

litare non praestandi, sese sponte obtulit loco cuiusdam sui collegae patris

duorum filiorum. Familiares et amicos valedicens, a puero quodam numisma