63. De ss. Maximo et Venerando.

In 1. Vesperis.
Ad Magnificat.

A. Ave, fraterna

martyrum progenies,
Quam saeclo geminam

protulit una dies ;
Avete, Christi

gloriosi martyres,
Quos aeque passos

aequa fovet requies
Vos qui supernam

jam tenetis gloriam
Nobis precamur

impetrate veniam.

A d Matutinum.
Invitatorium.

Adoremus Dominum,
Qui sanctorum martyrum
Virtus est et praemium.

In 1. Nocturno.
Antiphonae.

1. Maximus et Venerandus
nobiles in Brixia
Patre Magno sunt exorti,
matre dicta Tassia.
2. Haec in pace post [fsepulta]j
diem clausit ultimum,
Magnus ense triumphavit
consors factus martyrum.
3. Ut orbati sunt utrisque
filii parentibus,
Rerum totas dant suarum
copias egentibus.

4. Erogato, quod habebant,
Romae visunt moenia
Et beati perfruuntur
Damasi praesentia.
5. Qui beatum consecravit
Maximum pontificem,
Dans levitae Venerando
fungi ministerio.

6. Literarum praepollentes
et virtutum studio,
Mox doctrinae fiunt apti
simul et martyrio.

In 2. Nocturno.
Antiphonae.

1. Dilaceratis

atque caesis fratribus
Proconsul parci

praecepit nolentibus.

2. Mori nolebant

nec dabatur optio,
Ut immolarent
Deo Vestorosio.

3. Jubet litari

judex, illi renuunt
Atque deos omni
posse carere probant.

4. Volens ulcisci

judex Vestorosium
Jactari sanctos
jussit in incendium.

5. Assumptis igne

multis et Vitalio
Sanctorum vestes
nec notavit ustio.

6. Franguntur rotae,
mitigantur bestiae,
Divino sancti

proteguntur munere.

In 3. Nocturno.

Prosellus.

1. Martyrum,

Christe, victoria
Suscipe

nostra praeconia.

2. Tibi jungas

nos in gloria
Dulcis fratrum
haec memoria.
3. Qui pro tui

nominis potentia
Obtruncata

sua ferunt capita

4. Ad tumulandum.

In Laudibus.
Antiphonae.

1. Accelerant sancti

patefacto pariete claustri,
Coelitus ut dictum
conficiatur iter.
2. Vita tribus rediit,

lumen tribus, et duo claudi.
Leprosi totidem

tunc valuere per hos.
3. Sequana suspenso

fit eisdem pervia cursu,
Esse probat liquidos
morte satelles aquas.
4. Roscidus et ignis,

pavet hos lea visque leonis,
Exsilit utraque mens,
vita pericla carens.
5. Dum sacri gemini

loquerentur ad ora Sabini
Unica vox geminos
purgat energumenos.

Ad Benedictus.
A. Destinat hos ad nos

Latio Deus hoste patronos,
Cordis et hospitium
praeripiamus eos.
Ad hos hi fugere suos,

fugiamus ad ipsos,
Ut, quod sint, simus ;
ambo juvent prece nos.