Acta Apostolicae Sedis - Commentarium Officiale744

Aestimatio haec maxime refulgeat in Liturgia Verbi, quae « ita celebranda

est ut faveat meditationi ».234 Silentium, cum statuitur, « tamquam pars cele-

brationis » 235 est habendum. Adhortamur igitur Pastores ut silentii momenta

foveant, quibus, Spiritu Sancto iuvante, Verbum Dei in cor accipitur.

c) Sollemnis Verbi Dei proclamatio

67. Aliud e Synodo emersum est consilium, nempe ut, praesertim in

potioribus commemorationibus liturgicis, Verbum, maxime Evangelium, sol-

lemniter proclametur, per usum Evangeliarii, ita ut in ritibus initialibus

processionaliter deferatur ac deinde in ambonem a diacono vel a sacerdote

ad proclamationem perducatur. Sic enim Populus Dei iuvatur ad intellegen-

dum quod « lectio Evangelii culmen constituit ipsius liturgiae Verbi ».236

Secundum praecepta in Ordine lectionum Missae inclusa, bonum est ut

proclamatio Verbi Dei, potissimum Evangelii, in cantu extollatur, praesertim

in quibusdam sollemnitatibus. Salutatio, nuntium initiale: « Evangelium » et

illud finale: « Verbum Domini », aequum est in cantu proferri ut in luce

ponatur id quod legitur.237

d) Verbum Dei in templo christiano

68. Ad fovendam auditionem Verbi Dei minime sunt neglegenda illa

instrumenta quae fidelibus ad maiorem mentis attentionem opem ferre

possint. Hanc ob rationem necesse est in sacris aedificiis acustica minime

omittatur, servatis normis liturgiae et architecturae. « Episcopi debite adiuti

curent, ut ecclesiae eiusmodi aedificentur, quae proclamationi Verbi, medi-

tationi et eucharisticae celebrationi locum praebeant accommodum. Spatia

sacra, etiam extra actionem liturgicam, mysterium christianum Verbo Dei

conexum diserte eloqui valeant oportet ».238

Singularis cura ad ambonem adhibenda est, veluti liturgicum locum ad

Verbum Dei proclamandum. In spatio visibili collocandus est, ad quem

sponte fidelium attentio in liturgia Verbi convertatur. Ambo stabilis sit

oportet, constitutus uti elementum sculptorium in harmonia aesthetica

234 Institutio Generalis Missalis Romani, 56. 235 Ibid., 45; cfr. Conc. Oecum. Vat. II, Const. de sacra Liturgia Sacrosanctum Concilium, 30. 236 Ordo Lectionum Missae, 13. 237 Cfr. ibid., 17. 238 Propositio 40.