Acta Apostolicae Sedis - Commentarium Officiale526

Hoc autem decretum publici iuris fieri et in acta Congregationis de Causis

Sanctorum Summus Pontifex referri mandavit.

Datum Romae, die 2 mensis Aprilis A.D. 2011.

Angelus Card. Amato, S.D.B.

Praefectus

L. e S.

e Marcellus Bartolucci Archiep. tit. Mevaniensis, a Secretis

TRANENSIS et BAROLENSIS seu BARENSIS

Beatificationis et Canonizationis Servae Dei Mariae Clarae a S. Teresia a Iesu

Infante (in saec.: Vincentiae Damato), Monialis professae Ordinis a Sancta Clara

Assisiensi (1909-1948)

DECRETUM SUPER VIRTUTIBUS

«Mea infirmitate, in Hostiam illam innixa, ut hostia fiam ipsa contendo.

Secretum omne habes ».

Quibus dictis Maria Clara a Sancta Teresia a Iesu Infante, Dei Ancilla,

cum Sacramenta in ipso mortis articulo reciperet, hanc vitam conclusit;

iisdem vero eius animi res plane describitur, quippe quae, sese Domino man-

cipatam penitus experta, omnem vitam suam in oblationem ac sacrificium

converterit.

Haec Dei Ancilla Baruli, quam urbem Itali vulgo Barletta nominant,

rustico genere nata est die 9 mensis Novembris anno 1909, cum tamen sub-

sequenti die 12 eiusdem mensis in tabulas censorias referretur; die autem 25

mensis Novembris eodem anno, cum ibidem, in paroecia Sancti Sepulcri,

baptismate sancto rite ablueretur, nomen ei Vincentiae inditum est. Hanc

igitur, octavo e liberis quattuordecim loco genitam, studio ac tranquillitate

sui prosecuti sunt; quae quidem res ad formandum eius mite suaveque inge-

nium, idemque promptum ad amicitiam complurium puellarum eiusdem ae-

tatis, contulerunt. Praecipua vero apud eam auctoritate valuit Maria mater,

matura magnaeque fidei matrona, unaque ex Adoratricibus Augusti Altaris

Sacramenti, quae piissima sodalitas in ea paroecia erat: hinc enim Dei Ancilla