302 Acta Apostolicae Sedis - Commentarium Officiale

accepit, Beatae Mariae Virginis scapulare, quod semper secum portavit et

cuius protectioni suam prodigiosam liberationem a periculis belli et initium

conversionis ad Deum semper attribuit.

Inde a regressu eius in patriam post bellum, quando iterum ad munus

professoris in oppido Zalaegerszeg manus apposuit, Divina Providentia, Ma-

ria Matre misericordiae intercedente, ad vitam christianam primum, deinde

ad vitam interiorem et orationis, ad vitam denique maioris perfectionis in

aliquo Ordine religioso ducendam, continuis internis incitamentis et variis

exterioribus circumstantiis, Servum Dei quasi manu ducere et veluti impel-

lere visa est. In Ordine Carmelitarum Discalceatorum tandem admissus,

habitum religiosum in conventu Iaurinensi (hodie Györ) induit die 15 mensis

Iulii anno 1925, nomine religionis accepto fr. Marcelli a Virgine Carmeli.

Noviciatu peracto, primam professionem emisit anno 1926. Tribus annis

postea vota perpetua nuncupavit.

Provinciae Hungaricae Carmelitarum Discalceatorum Superiores, fratris

Marcelli sive naturales sive supernaturales dotes mox cognoscentes, eum,

peracto novitiatus tempore, cum adhuc theologiae studio vacaret, saepius

in rebus difficillimis fidenter consuluerunt; sacerdotio sacro auctum die 14

mensis Iunii 1930, consiliarium et novitiorum magistrum nominaverunt,

quibus officiis peritia et laude functus est. Anno vero 1943, officio Magis-

tri Novitiorum relicto, P. Marcellus tamquam conventualis in conventum

Budapestinense missus est, ibique usque ad mortem remansit.

Permulti eum a confessionibus habuerunt, et, ipso verbum Dei praedican-

te, fideles ecclesiam ad ultimum usque loculum replere solebant. Immo, cum

de viro ageretur praedicatione insigni, in missionibus ad populum habendis

valde efficaci, in exercitiis spiritualibus moderandis peritissimo, P. Marcelli

nomen in omnium ore erat. Et qui eum praessius cognoscebant, religio-

si, sacerdotes, confratres, hoc unum de eo iudicium sibi formaverunt: ille

sanctus est. Scripta autem P. Marcelli, ex superiorum mandato composita,

testimonium perhibent de eius vita interiore, de eius intima cum Iesu et

Maria unione, de eius ad altissimos vitae mysticae gradus ascensu, de ipsa

denique divinitatis fruitione, quae magis magisque totam eius personam

quasi circumvolvit, unde et ipse serenam laetitiam et maturam sine disso-

lutione hilaritatem hauriebat et circum se irradiabat; quem animi habitum

neque acerrimis morbis vexatus unquam amisit.