382 Acta Apostolicae Sedis - Commentarium Officiale

PATERSONENSIS

Beatificationis et Canonizationis Ven. Servae Dei Mariae Teresiae Demjanovich so-

roris professae e Congregatione Sororum Caritatis Sanctae Elisabethae (1901-1927)

DECRETUM SUPER MIRACULO

Venerabilis Serva Dei Maria Teresia Demjanovich die 26 mensis Mar-

tii anno 1901 Baioci in finibus Novae Caesareae e Civitatibus Foederatis

Americae Septentrionalis nata est. Iam inde a pueritia claram ostendit

conscientiam se voluntatem Dei omnibus in adiunctis exquirere et ad vitam

consecratam referri velle. In Collegium Studiorum « Sanctae Elisabethae »

se ascripsit a Sororibus Caritatis Sanctae Elisabethae moderatum ibique

anno 1923 lauream adepta est. Illis annis vitam spiritualem naviter curavit,

celebrationem eucharisticam cotidie obiit atque orationi impensius vacavit.

Offìcium magistrae apud Academiam Sancti Aloisii Caesaropolitanam

suscepit et anno 1925 in eadem Congregationem, apud quam studuerat,

prima vota religiosa emisit. Institutionis tempore, angustiae et dissensiones

ei haud defuerunt, quas ipsa tamen obire fide ac humilitatis ope superare

valuit. Die 9 mensis Decembris anno 1926, in valetudinarium recepta est

et chirugicae sectionis commissa. Licet condiciones eius gravissimae essent,

nemo tamen sive in valetudinario sive in communitate valetudinis eius in-

tellexit severitatem. Mense igitur transacto, iterum in valetudinarium anhe-

lationis et cordis implicationum causa retracta est. Hanc passionis corporis

et animae tempestatem uti praecipuam caritatis Dei significationem habuit,

quam laeta promptaque mente Serva Dei oppetiit. Cum nihil boni valetudo

eius praesentire sineret, die 2 mensis Aprilis ipsi concessum est, ut vota

religiosa in manibus moderatoris eius spiritualis profiteretur. Die 6 mensis

Maii anno 1927, appendix eius intestini putrida resecata est, quae iamdiu

vero in peritonitidem prolapsa erat. Biduo post, die 8 mensis Maii anno

1927, Elisabethopoli in Nova Caesarea regione Deo pie spiritum reddidit.

Summus Pontifex Benedictus XVI die 10 mensis Maii anno 2012 eam

virtutes theologales, cardinales iisque adnexas in modum heroum coluisse

decrevit.

Canonizationis respectu, Causae Postulatio iudicio huius Congregationis

de Causis Sanctorum assertam subiecit miram sanationem, Venerabilis Ser-