374 Acta Apostolicae Sedis - Commentarium Officiale

praeceptis evangelicis nisam ».169 Tamen persona quae matrimonium inivit

caritatem summam vivere potest. Igitur « pervenit ad illam perfectionem

quae e caritate oritur, per fidelitatem erga eorum consiliorum spiritum.

Eiusmodi perfectio fieri potest et omni homini patet ».170

161. Virginitas figura est amoris cui non est necessitas alterum possidendi

et hoc modo libertatem Regni Caelorum ostendit. Est adhortatio ad coniuges

ut suum amorem coniugalem in prospectu consummati amoris Christi teneant,

veluti commune iter ad plenitudinem Regni. Amor porro coniugum alia praebet

symbolica bona: hinc peculiaris est imago Trinitatis. Trinitas revera plena

est unitas, in qua tamen exstat etiam distinctio. Praeterea, familia christolo-

gicum est signum, quia proximitatem Dei manifestat qui vitam cum homine

communicat et cum eo per Incarnationem se coniungit, per Crucem atque

Resurrectionem: quisque coniux "una caro" fit cum altero atque se ipsum

offert ad communicandum totaliter cum altero usque in finem. Dum virginitas

signum est "eschatologicum" Christi qui surrexit, matrimonium est signum

"historicum" pro illis qui in terris deambulant, signum Christi terrestris qui

accepit vinculum nobiscum et se ipsum usque ad sanguinem tradidit. Virgi-

nitas et matrimonium sunt, et oportet sint, varii amandi modi, quia « homo

sine amore vivere nequit. Sibimet manet quiddam, quod incomprehensibile

est, eiusque vita sensu privatur, nisi amor ei praebetur ».171

162. Caelibatus in discrimine versatur commodae solitudinis quae liber-

tatem praebet se libere movendi, locum, munera et selectiones mutandi,

propriam pecuniam ministrandi, diversas personas invisendi secundum tem-

poris opportunitatem. Tali in re, testimonium coniugum splendet. Qui ad

virginitatem vocati sunt in quibusdam coniugibus conspicuum signum liberalis

et stabilis fidelitatis Dei erga eius foedus reperire possunt, quod eorum corda

ad certius promptiusque studium incitare potest. Etenim adsunt coniuges

qui suam servant fidelitatem cum coniux iniucundus corpore factus est, vel

cum earum necessitatibus non satisfacit, quamvis multae occasiones eos ad

infidelitatem vel desertionem alliciant. Uxor suum potest aegrum maritum

curare et ibi, iuxta Crucem, illud "sic" sui amoris usque ad mortem iterat.

In eiusmodi amore mirum in modum dignitas manifestatur illius qui amat,

dignitas veluti imago caritatis, cum proprium caritatis sit amare plus quam

169 id., Catechesis (14 Aprilis 1982), 3: Insegnamenti V, 1 (1982), 1177. 170 Ibid. 171 id. Litt. Enc. Redemptor hominis (4 Martii 1979), 10: AAS 71 (1979), 274.