398 Acta Apostolicae Sedis - Commentarium Officiale

Ibi assiduam insuper curam adhibuit in condendis sive collegio sive studiorum

instituto sodalium Societatis Iesu. Labente tempore nominatus est Vicarius

Apostolicus, quapropter in urbem Montisvidei se contulit. Novo hoc munere

instructus peculiares profudit vires in formationem cleri et in pastorale minis- terium, quocirca magna suscepit itinera missionalia ad Ecclesiae iura tuenda

et a publicis iniunctionibus eripienda. Hac de causa decretum est ut Servus

Dei in exsilium secederet per aliquod tempus, nempe a mense Octobri anni

1862 ad mensem Augustum sequentis anni 1863, quod Bonaëropoli transegit.

Duos post elapsos annos a regressu in Uruquariam, Hyacinthus Episcopus

electus est titulo Megarensis ac die 16 mensis lulii anno 1865 consecratus. Anno

1867 in Europam iter arripuit ut pro sua communitate Uruquariana missionarios quaereret. Et iterum, duobus transactis annis, Romam profectus est, ut Conci- lii Vaticani I partes haberet, eademque occasione Terram Sanctam peregrinus invisit. In urbem Montisvidei regressus, viribus non pepercit ut civili bello tunc illic ingruenti finem imponeret. Pace tandem adepta, missionalem actuositatem resumere valuit, quae magnopere munita est sive a sodalibus Societatis Iesu tunc in urbem reversis, sive consecratione nationis Sacro Cordi Iesu, sive adventu primi agminis Salesianorum, quos, de ipsius Servi Dei rogatu, Sanctus Ioannes Bosco miserat. Die 13 mensis Iulii anno 1878 erecta est dioecesis Montisvidei, cuius Hyacinthus primus nominatus est episcopus. Tunc illa in urbe primum Seminarii Conciliaris lapidem benedixit et apostolicam actionem exercere pe- rrexit, integram missionalem circumscriptionem indefesso animo invisens.

Spiritualis animus Servi Dei diuturno pastorali confirmatus est opere, in quo tam interiorem quam apostolicam vitam congruenter composuit. Nisus sese Christo conformandi liturgia ac personali precatione nutritus penitus signavit spirituale iter Servi Dei, qui et crebro et heroico virtutum exercitio progredi potuit. Modus, quo ille divinae voluntati sese submisit, immemorem

suiipsius et munifico proximi servitio apertum reddidit. Ad res ordinandas et instituendas quod attinet in vita dioecesis, quae tunc rudimenta itineris expe- riebatur, Servus Dei, inter gravescentes sive internas sive externas difficulta- tes, pecularia ostendit indicia illius praecipui valoris nuntiandi et testificandi:

primatus nempe Dei tam in vita quam in historia humanitatis et Ecclesiae.

Hoc prioritatis sensu ductus, Hyacinthus principatum caritatis pastoralis exer- cuit non tamquam primatum exitus, sed veluti officium humanam et christianam

construendi communitatem, utpote cum Deo et cum proximo communionem.

Die 28 mensis Aprilis anno 1881, licet aetate provectus, Servus Dei

studio motus ultimam suam missionem exsequendi, in vicum vulgo Pan de