64. De sancto Nicolao.

In 1. Vesperis.

Antiphonae.

1. Sacris duxit originem

Nicolaus parentibus,

Sanctitatis imaginem

Servans a puerilibus.

2. Ortus sui prima die

Rectus stetit in pedibus,

Quarta et sexta semel pie

Matris fotus uberibus.

3. Sanctus redemit virginum

Trium turpem infamiam

Clam, nolens laudes hominum,

Auri donando copiam.

4. Divina providentia

Nicolaus almificus

Ponitur in ecclesia

Episcopus mirificus.

Ad Magnificat.

A. Veneremur inclita

Nicolai merita,

Qui a pueritia

Plenus sapientia,

Sanctitatis fuit norma,

Caritatis vere forma

Ut sit nobis propitius

Per eum Dei filius.

Ad Matutinum.

Invitatorium .

Summum regem adoremus,

Hymnis, votis honoremus,

Qui Nicolaum hodie

Stola dotavit gloriae.

In 1. Nocturno.

Antiphonae.

1. Ortus ex venerabili

Nicolaus progenie

Proposuit amabili

Vacare sapientiae.

2. Primo die, quo nascitur,

In pedibus erigitur,

Sanctitatis praesagium

Futurae mox indicium.

3. Vitam continentiae

Inde genitores

Eligunt, modestiae

Vere sectatores.

4. Semel lac sanctus sugebat

Quarta cum sexta feria,

Sanctior semper fiebat

Divina plenus gratia.

5. Iuvenum lascivias

Iuvenis vitabat,

Potius ecclesias

Vigil visitabat.

6. Scripturarum memoriter

Audita retinebat,

Quae postmodum viriliter

Servare cupiebat.

Responsoria.

1. Defunctis parentibus

Coepit cogitare

Divitiarum copiam

Id pauperum inopiam

Velle erogare,

Spretis vanis laudibus,

V. Thesaurizare studuit,

Ut Dominus consuluit,

In caelorum aedibus.

2. Servus fidelis Domini

Vicino sibi homini

Aurum coepit porrigere,

Tres putanti filias

Ad humanas infamias

Pro paupertate tradere.

V. Aurum proiecit tertio,

Ne virgines comercio

Turpi cogatur ponere.

3. Ignarus, tanti muneris

Quis esset auctor operis,

Horam coepit custodire,

Gratus volens caute scire

Virum tantae clementiae.

V. Custodiens vigilias

Homo pater familias

Invenit noctis tertiae

Virum tantae clementiae.

4. Clero totius civitatis

Pro pastore congregatis

Monstrat eligendum

Divina providentia,

Quem morum pudicitia

Facit reverendum.

V. Vox emissa caelitus

Nicolaum penitus,

Docet promovendum.

In 2. Nocturno.

Antiphonae.

1. Ut visio docuit,

Nocte venientem

Praesulem constituit

Clerus renitentem.

2. Cathedram superbiae

Fugit sublimatus,

Privatae modestiae

Statum meditatus.

3. Humilis erat doctrinae,

Quam inspirabat unctio,

Sanctae dator disciplinae,

Quae competebat vitio.

4. Caritatis operum

Sectator studiosus,

Pater erat pauperum

Ut praesul gloriosus.

5. Vitabat colloquia

Cuiuscunque vanitatis,

Risum sapientia,

Laesiva puritatis.

6. Vitam sine macula

Pontifex ducebat,

Caeli tabernacula

Quia sitiebat.

Responsoria.

1. Nautis pereuntibus

Iam prope naufragium

Certum moriendi

Adest invocantibus,

Tribuens auxilium

Firmum evadendi.

V. Apparentem Dei virum

Cognoverunt, spem niminum

Donantem se petendi.

2. Dura fames perculit

Viri Dei provinciam,

Nicolaus reppulit

Tantae pestis miseriam,

Multiplicando triticum.

V. Annis duobus nemini

Defecit cibus semini,

Omni collatum homini.

3. Daemonis praestigium

Ne possit offendere,

Docet navigantes

Tale [hic] praeludium

Oleum effundere

Viros ignorantes,

V. Daemon ut disparuit,

Nicolaus adfuit,

Illos sic admonuit.

4. Scholares tres hospitio

Susceptos ferit gladio

Hospes per avaritiam,

Libros putans pecuniam

Noctis intra silentium ;

V. Suscitans hos benigne,

Increpans virum digne

Criminis tanti conscium.

In 8. Nocturno.

Ad Cantica.

A. Narrat omnis ecclesia,

Qua pater providentia

Vacavit sapientiae

Thesauris, non pecuciae.

Resporisoria.

1. Nullius noxae conscios

Eripuit tres anxios

Velatos stantes capite,

Ligatos flexo poplite;

V. Nicolaus iustitiae

Zelo datos sententiae

Liberavit indebitae.

2. Peregrini fastigium

Assumendo daemonium

Occidit patris filium,

Celebrantis convivium

Nicolai sollemniis;

V. Mox viventem genitoris

Patri reddit, ne doloris

Fatigetur suspiriis.

3. Falso laesae maiestatis

Carceratos infamia

Suae sanctus pietatis

Liberavit clementia ;

V. Monet iudicem, immunes

Ut dimittat hos impunes,

Minis duris per somnia.

4. Coronandus ad gloriam

Angelos habet obviam,

A quibus introducitur:

Intra, fidelis, gaudium,

Tibi paratum praemium.

V. Orans sanctus decantavit:

In te, Domine, speravit

Meum cor; sic exspiravit.

In Laudibus.

Super Psalmos.

A. In caeli tabernaculis

Refulget sanctus gloria,

Gloriosus miraculis

Coruscat [in] ecclesia.

Ad Benedictus.

A. Sancti patris pauperum

Signorum innumeram

Olei manatio

Est nota declaratio,

Desudans ex ossibus

Cunctos curat languoribus.

Per Horas.

Ad Primam.

A. Reddit vitae vita functum

Iacentem in bivio,

Curru tritum corpus cunctum,

Perditum periurio.

Ad Tertiam.

A. Consolatur patrem maestum,

Annuum colentem festum,

Filium a Deo datum

Sibi reddens captivatum.

Ad Sextam.

A. Fures cogit reddere

Imagini, quae tulerant,

Quorum dato verbere

Afflicta membra fuerant.

Ad Nonam.

A. Vir de clara progenie

Vas aureum ecclesiae

Vovit, sibi votum [gratum]

Si donaverit optatum.

In 2. Vesperis.

Ad Magnificat.

A. Felix pater, gratiarum,

Nicolae, variarum

Dona praestans, caecis visum,

Functis vitam, maestis risum,

Tua prece nobis dona,

Ut devicta carnis trabe

Transeamus sine labe

Ad caelestis vitae bona.